విశ్వక్ సేన్ నటించిన రీసెంట్ మూవీ ‘లైలా’ మంచి బజ్‌తో రిలీజ్ అయ్యి, ఆశించిన స్థాయిలో ఈ సినిమా విజయాన్ని అందుకోలేకపోయింది. ఐతే, ఈ సినిమా మొదట ఈ నెల మార్చి 7న ఆహాలో ప్రీమియర్ కావాల్సి ఉండగా, ఈ సినిమా డిజిటల్ విడుదల ఆలస్యం అయింది. అయితే, ఫైనల్ గా లైలా చిత్రం అమెజాన్ ప్రైమ్ వీడియోలో ఈరోజు నుండి స్ట్రీమింగ్ అవుతోంది. మరి ఈ సినిమా ఓటీటీ ప్లాట్‌ఫామ్‌లో ఎలాంటి రిజల్ట్ ను ఇస్తోందో చూడాలి.
కాగా ఈ సినిమాను దర్శకుడు రామ్ నారాయణ్ డైరెక్ట్ చేయగా ఈ సినిమాలో విశ్వక్ తొలిసారి ఓ లేడీ గెటప్‌లో నటించాడు. పోస్టర్స్, టీజర్, ట్రైలర్ ప్రేక్షకుల్లో సినిమాపై ఆసక్తిని క్రియేట్ చేశాయి. ఇక ఫిబ్రవరి 14న ప్రేమికుల రోజు కానుకగా ఈ చిత్రం థియేటర్లలో రిలీజ్ అయింది. అయితే, సినిమా కంటెంట్‌ సరిగ్గా కనెక్ట్ కాలేదు. కాకపోతే, ఈ సినిమా ఓటీటీ ఆడియన్స్‌ను ఆకట్టుకుంటుందని మేకర్స్ ఆశిస్తున్నారు. ఆకాంక్ష శర్మ హీరోయిన్‌గా నటించిన ఈ చిత్రానికి లియోన్ జేమ్స్ సంగీతం అందించాడు. షైన్ స్క్రీన్స్ బ్యానర్‌పై సాహు గారపాటి ఈ చిత్రాన్ని ప్రొడ్యూస్ చేశారు.