‘జబర్దస్త్’ కామెడీషోతో తెలుగు ప్రేక్షకులకు బాగా దగ్గరైన యాంకర్ ‘రేష్మి గౌతమ్’ ప్రస్తుతం హీరోయిన్ గా సక్సెస్ బాటలో దూసుకుపోతోంది. దర్శకుడు ‘ప్రవీణ్ సత్తారు’ తెరకెక్కించిన ‘గుంటూరు టాకీస్’ సినిమాలో రేష్మి స్క్రీన్ ప్రెసెన్స్ కు కుర్రకారు ఫిదా అయ్యారు. ఈ సినిమాతో రేష్మి మాస్ ప్రేక్షకులకు కూడా బాగా దగ్గరైంది. ప్రస్తుతం ఈమె ఓ రొమాంటిక్ హర్రర్ చిత్రం ‘తను వచ్చెనంట’ లో లీడ్ రోల్ చేస్తోంది.
‘చంద్రశేఖర్ ఆజాద్’ నిర్మాతగా శ్రీ అచ్యుత ఆర్ట్స్ పతాకంపై ‘వెంకట్ కాచర్ల’ దర్శకత్వంలో తెరకెక్కిన ఈ చిత్రం ప్రస్తుతం పోస్ట్ ప్రొడక్షన్ పనులు జరుపుకుంటోంది. ఇటీవలే రిలీజైన ఈ చిత్రం టీజర్ కు మంచి స్పందనే వస్తోంది. ఇకపోతే ఈ చిత్రం ఆగష్టు 18న ప్రేక్షకుల ముందుకు రానుంది. ఇందులో రేష్మి గ్లామర్ రోల్ తో పాటు ఓ ‘జాంబీ’ గానూ అలరించనుంది.