మక్కల్ సెల్వన్ విజయ్ సేతుపతి, తాప్సీ జంటగా ప్యాషన్ స్టూడియోస్ 8 బ్యానర్ పై సుధాన్ సుందరం, జి జయరాం నిర్మిస్తున్న సినిమా అనబెల్ & సేతుపతి. దీపక్ సుందర రాజన్ ఈ సినిమాకు దర్శకత్వం వహించారు. తాజాగా ఈ సినిమా రిలీజ్ పోస్టర్ ను విడుదల చేశారు దర్శక నిర్మాతలు. సెప్టెంబర్ 17 డిస్నీ ప్లస్ హాట్ స్టార్ లో నేరుగా విడుదల కానుంది ఈ చిత్రం. ఫస్ట్ లుక్ పోస్టర్ లో విజయ్ సేతుపతి, తాప్సీ ఫేస్ బాగా హైలెట్ చేయడం జరిగింది. వెనకాల బంగ్లా ఒకటి బాగా ఫోకస్ చేశారు. పోస్టర్ ఆన్ రివర్స్ లో చూస్తే మిగిలిన నటీనటులను పరిచయం చేశారు. పోస్టర్ లో హారర్ థ్రిల్లర్ అంశాలు పుష్కలంగా కనిపిస్తున్నాయి. ఈ ఏడాది ఓటీటీలో విడుదలయ్యే సినిమాలలో అనబెల్ & సేతుపతి చిత్రానికి ప్రత్యేక స్థానం ఉంది. అంతేకాక ఈ చిత్రం ప్రేక్షకులను విశేషంగా ఆకట్టుకుంటుంది అని చెబుతున్నారు దర్శక నిర్మాతలు.