‘బాహుబలి’ ఘన విజయం తరువాత రాజమౌళి యంగ్ టైగర్ ఎన్టీఆర్, మెగా పవర్ స్టార్ రామ్ చరణ్ తో మల్టీ స్టారర్ తెరకెక్కించనున్నాడనే సంగతి తెలిసిందే. డి వి వి ఎంటెర్టైన్మ్నెట్స్ పతాకం ఫై దానయ్య డి వి వి నిర్మించనున్న ఈ చిత్రానికి సంబంధించిన పనులను వచ్చే నెలలో మొదలుపెట్టనున్నారు. ఈ చిత్రం కోసం భారీ సెట్టింగ్స్ ను నిర్మించనున్నారు. మాములుగా రాజమౌళి తన సినిమాకు సంభందించిన సెట్టింగ్స్ ను స్టూడియోలో వేస్తుంటారు. కానీ ఈసారి ఒక ప్రైవేట్ ప్లేస్ ను లీజుకు తీసుకొని మరీ ఈ చిత్రం యొక్క భారీ సెట్టింగ్స్ ను అక్కడ వేయడానికి రెడీ అవుతున్నాడట .
ఇక ఈ చిత్రంలో రకుల్ ప్రీత్ సింగ్ , రాశీ ఖన్నా లను కథానాయికలు గా తీసుకోనున్నారని ప్రచారం జరుగుతోంది. వీరిద్దరి పేర్లు కూడా ఆర్ అనే అక్షరంతో స్టార్ట్ అవుతుండడంతో ఈ సినిమాలో నటించే హీరోయిన్లు వీరే అంటూ వార్తలు వస్తున్నాయి. ఈ చిత్రం ఫై ఒక్క తెలుగులోనే కాకుండా దేశవ్యాప్తంగా భారీ అంచనాలు నెలకొన్నాయి. ఇక ప్రస్తుతం ఎన్టీఆర్ ‘అరవింద సమేత’ చిత్ర షూటింగ్ లో పాల్గొంటుండగా, రామ్ చరణ్ తన 12వ సినిమా షూటింగ్ లో బిజీగా వున్నారు. వీలైనంత తొందరగా ఈ సినిమాల షూటింగ్ ను కంప్లీట్ చేసి రాజమౌళి సినిమాలో జాయిన్ కానున్నారు .