బాలీవుడ్ లో స్టార్ హీరోయిన్ అయినటువంటి శ్రద్దా కపూర్ మన తెలుగు ఇండస్ట్రీకి యంగ్ రెబల్ స్టార్ ప్రభాస్ హీరోగా నటించిన భారీ యాక్షన్ థ్రిల్లర్ “సాహో” తో పరిచయం అయ్యింది. అక్కడ నుంచి మన వాళ్లకు కూడా బాగానే దగ్గరైన ఈ టాలెంటెడ్ హీరోయిన్ ఇప్పుడు బాలీవుడ్ లో బిజీగా ఉంది. ఇప్పటి వరకు గ్లామరస్ రోల్స్ చేసిన ఈ హీరోయిన్ ఇప్పుడు ఒక బోల్డ్ అటెంప్ట్ చేసేందుకు రెడీ అవుతున్నట్టు టాక్ వినిపిస్తుంది.
గత అమలాపాల్ మెయిన్ లీడ్ లో నటించిన చిత్రం “ఆమె” తమిళ్ లో “ఆడాయ్” గా తెరకెక్కి తెలుగులో కూడా విడుదలై మంచి విజయాన్ని అందుకుంది. అయితే ఈ చిత్రంలో అమలాపాల్ చేసిన రోల్ చాలా ఛాలెంజింగ్ అండ్ బోల్డ్ గా ఉంటుంది. పోస్టర్స్ తోనే అప్పట్లో హైప్ రేపిన ఈ చిత్రం రీమేక్ లో నటించేందుకు శ్రద్దా ఒప్పుకున్నట్టు తెలుస్తుంది. మరి శ్రద్దా ఈ రోల్ ను ఎలా రక్తి కట్టిస్తుందో చూడాలి. ఇంకా ఈ చిత్రంపై మరింత సమాచారం రావాల్సి ఉంది.