మాస్ మహరాజా రవితేజ , సంతోష్ శ్రీనివాస్ ల కలయికలో ‘తేరి’ రీమేక్ తెరకెక్కనున్న విషయం తెలిసిందే. మైత్రి మూవీ మేకర్స్ ఈచిత్రాన్నినిర్మించనుంది. అయితే పూజా కార్యక్రమాలతో లాంచ్ అయినా ఈచిత్రం ఇటీవల ఆగిపోయిందని వార్తలు వచ్చాయి. ఇక రవితేజ కూడా వి. ఐ ఆనంద్ కు గ్రీన్ సిగ్నల్ ఇవ్వడంతో ఈ వార్తలు నిజమేననునుకున్నారు.
కానీ ఇప్పుడు తాజాగా ఈ సినిమా విషయంలో మైత్రి మూవీ మేకర్స్ క్లారిటీ ఇచ్చింది. రవితేజ -సంతోష్ శ్రీనివాస్ ల చిత్రం డిసెంబర్ లో మొదలయ్యే అవకాశాలు వున్నాయి. ఇక ఈచిత్రం తేరి రీమేకే కాకపోతే అందులోని పాయింట్ ను మాత్రమే తీసుకున్నాం స్టోరీ కంప్లీట్ డిఫ్రెంట్ గా వుంటుందని అన్నారు. ఇక ఈ ఏడాది ‘రంగస్థలం’ తో బ్లాక్ బ్లాస్టర్ విజయాన్ని అందుకున్న మైత్రి వచ్చే నెలలో మరో రెండు చిత్రాలతో ప్రేక్షకులముందుకు రానుంది. దాంట్లో ‘సవ్యసాచి’ నవంబర్ 2న విడుదలవుతుండగా ‘అమర్ అక్బర్ ఆంటొని’ వచ్చే నెల 16న విడుదలవుతుంది.