ఎప్పుడూ సరికొత్త కథలతో, విభిన్న గెటప్లతో మనల్ని మెప్పిస్తూ ఉండే తమిళ సూపర్ స్టార్ సూర్య, తాజాగా ‘మాస్’ పేరుతో మరో సరికొత్త సినిమాతో మన ముందుకు రానున్నాడు. ‘గ్యాంబ్లర్'(మంగాత్తా), ‘బిర్యాని’ సినిమాల ద్వారా దర్శకుడుగా తానేంటో నిరూపించుకున్న వెంకట్ ప్రభు ఈ సినిమాకు దర్శకత్వం వహించాడు. స్టూడియో గ్రీన్తో కలిసి సూర్య సొంతంగా ఈ సినిమాను నిర్మించడం విశేషం. ఇప్పటికే షూటింగ్ పూర్తి చేసుకున్న ఈ సినిమా ప్రస్తుతం పోస్ట్ ప్రొడక్షన్ కార్యక్రమాలు జరుపుకుంటోంది.
ఇక గత అర్థరాత్రి మాస్ సినిమా తమిళ వర్షన్కు సంబంధించిన అఫీషియల్ టీజర్ను సినిమా యూనిట్ విడుదల చేసింది. ఫస్ట్లుక్తోనే సినిమాపై అంచనాలు పెరిగిపోగా ఇప్పుడు తాజాగా విడుదలైన ట్రైలర్తో ఆ అంచనాలు తారాస్థాయికి చేరుకున్నాయి. సూపర్ న్యాచురల్ థ్రిల్లర్గా తెరకెక్కిన ఈ సినిమాలో సూర్య ఆత్మగా కనిపించి భయపెడతాడని సమాచారం. ట్రైలర్లో కూడా చివర్లో వచ్చే సూర్య గెటప్ అదుర్స్ అని అభిమానులు సోషల్ మీడియాలో హల్చల్ చేస్తున్నారు. సూర్య అభిమానులు ఎప్పట్నుంచో ఈ ట్రైలర్ కోసం ఎదురు చూస్తూ ఉన్నారు. ఆ ఎదురుచూపులకు నిన్నటితో తెరపడింది. ఇక భారీ అంచనాల మధ్య ఈ సినిమా మే 15న తెలుగు, తమిళ భాషల్లో ఒకేసారి విడుదల కానుంది.
మాస్ టీజర్ కోసం ఇక్కడ క్లిక్ చేయండి