ప్రస్తుతం సౌత్ ఇండియాలో చేతి నిండా సినిమాలతో బిజీ బిజీ షెడ్యూల్స్ గడుపుతూ టాలీవుడ్ లో టాప్ హీరోయిన్స్ లో ఒకరుగా ఉన్న భామ మిల్క్ బ్యూటీ తమన్నా. హీరోయిన్ గా కొనసాగుతూనే మంచి కాంబినేషన్ అవడం వలన వివి వినాయక్ – బెల్లంకొండ శ్రీనివాస్ అల్లుడు శీను సినిమాలో ఓ స్పెషల్ సాంగ్ చేసింది. తాజాగా మరోసారి తమన్నా బెల్లంకొండ శ్రీనివాస్ సెకండ్ మూవీలో కూడా ఓ సాంగ్ చేయడానికి ఒప్పుకుందని ఇదివరకే తెలుయజేశాం. ప్రస్తుతం తమన్నా ఆ స్పెషల్ సాంగ్ షూట్ ని ఫినిష్ చేసే పనిలో ఉంది.
గత రెండు రోజులుగా అన్నపూర్ణ 7 ఎకర్స్ లో వేసిన ఓ స్పెషల్ సెట్ లో తమన్నా – బెల్లంకొండ శ్రీనివాస్ పై పాటని షూట్ చేస్తున్నారు. మరో రెండు రోజుల్లో ఈ సాంగ్ షూట్ ని ఫినిష్ చేస్తారు. ఈ సాంగ్ కోసం తమన్నా భారీ అమౌంట్ నే అందుకుందని సమాచారం. భీమనేని శ్రీనివాసరావు దర్శకత్వం వహిస్తున్న ఈ సినిమాలో సోనారిక బడోరియా హీరోయిన్ గా కనిపించనుంది. తమిళంలో హిట్ అయిన సుందర పాండ్యన్ సినిమాకి ఇది రీమేక్. దాదాపు షూటింగ్ చివరి దశకు చేరుకున్న ఈ సినిమాని త్వరలోనే రిలీజ్ చేసే పనిలో ఉన్నారు.
