సంగీతం అనేది ఒక ఆకర్షణీయమైన శక్తి. అది అన్ని హద్దులను దాటి, నేపథ్యం సంస్కృతితో సంబంధం లేకుండా ప్రజలను ఒకచోట చేర్చుతుంది. ఇక తెలుగు సంగీతం విషయానికి వస్తే ప్రస్తుతం ప్రముఖ ఒటిటి మాధ్యమం ఆహా తెలుగు ఇండియన్ ఐడల్ సీజన్ 2ను పరిచయం చేయడంలో కీలకపాత్ర పోషించింది. యువ మరియు ప్రతిభావంతులైన గాయకులకు పోటీగా మరియు వారి నైపుణ్యాలను ప్రదర్శించడానికి వారు వేదికను అందించగా ప్రపంచ ప్రేక్షకులు ఈ షోని ఎంతగానో ఆదరిస్తున్నారు.
విశేషమైన ప్రతిభావంతులైన పార్టిసిపెంట్స్ లో విశాఖపట్నానికి చెందిన పద్నాలుగేళ్ల గాయని అయ్యన్ ప్రంతి ఒకరు. జరిగిన ఈ పోటీలలో మొదటి రోజు నుండి తన మనోహరమైన గాత్రం మరియు నిష్కళంకమైన ప్రదర్శనలతో ప్రేక్షకులను మరియు న్యాయనిర్ణేతలను తను ఎంతగానో ఆకట్టుకుంది. ఆమె అద్భుత టాలెంట్ కి ప్రఖ్యాత సంగీత దర్శకుడు జి.వి.ప్రకాష్ ఆమె ప్రతిభను పదే పదే మెచ్చుకున్నారు. మరియు ప్రంతి అందరి నుండి మంచి పేరు అందుకుంది.
తాజాగా మెగాస్టార్ చిరంజీవిని ఆయన నివాసంలో కలిసిన ప్రంతి తన అద్భుత సింగింగ్ టాలెంట్ తో మెగాస్టార్ ని మెప్పించి ఆయన ఆశీర్వదిం అందుకుంది. మెగాస్టార్ తో పాటు ఆయన భార్య సురేఖను అన్నమాచార్య కీర్తనతో పాడి మంత్రముగ్ధులను చేసింది. ఆమెకు మెగాస్టార్ దంపతులు ఆశీర్వాదాలు అందించారు మరియు మిగిలిన తెలుగు ఇండియన్ ఐడల్ సీజన్ 2 అంతా విజయవంతం కావాలని ఆకాంక్షించారు.
కాగా మెగాస్టార్ గారు, సురేఖ గారిని కలిసిన అనంతరం ఎంతో సంతోషించిన ప్రంతి మాట్లాడుతూ జీవితంలో ఒక్కసారైనా తమ ముందు నటించే అవకాశాన్ని కల్పించిన మెగాస్టార్ చిరంజీవి గారు మరియు ఆయన సతీమణికి నేను వినయపూర్వకంగా మరియు కృతజ్ఞతలు తెలుపుకుంటున్నాను. నిజంగా ఇది ఒక కలలా ఉంది. ఇక ఈ మ్యూజికల్ పోటీలో నా అత్యుత్తమ ప్రదర్శనను అందించాలని నేను ఇప్పుడు మరింత ప్రేరణ పొందాను మరియు కృతనిశ్చయంతో ఉన్నాను. ఈ అనుభవం నాకు కొత్త విశ్వాసాన్ని ఇచ్చింది. ఇక అయ్యన్ ప్రంతి గురించి మరింతగా తెలుసుకోవాలి అంటే తప్పకుండా ఆహా లో ప్రసారం అవుతున్న తెలుగు ఇండియన్ ఐడల్ సీజన్ 2ని చూడటం మిస్ అవ్వకండి.
