నందమూరి నట వారసుడు యంగ్ టైగర్ ఎన్.టి.ఆర్ ఫుల్ లెంగ్త్ పవర్ఫుల్ పోలీస్ ఆఫీసర్ గా చేసిన సినిమా ‘టెంపర్’. నందమూరి అభిమానులు ఎంతగానో ఎదురు చూస్తున్న హిట్ ని ఎన్.టి.ఆర్ టెంపర్ రూపంలో అందించాడు. గత శుక్రవారం రిలీజ్ అయిన ఈ మూవీ బెనిఫిట్ షో నుంచే సూపర్ హిట్ టాక్ తెచ్చుకుంది. ఆంధ్ర, తెలంగాణలోనే కాకుండా తమిళనాడు, చెన్నైలలో కూడా ఫస్ట్ వీకెండ్ సూపర్బ్ కలెక్షన్స్ ని రాబట్టుకుంది. టెంపర్ సినిమా నైజాం లోమొదటి మూడు రోజుల్లో 5 కోట్ల మార్క్ ని క్రాస్ చేసిందని, అలాగే యుఎస్ లో $871K కలెక్ట్ చేసి 1 మిలియన్ మార్క్ కి దగ్గరగా ఉందని ఇదివరకే తెలియజేశాం.
నైజాం, యుఎస్ లోనే కాకుండా మిగతా ఏరియాలైన గుంటూరు, కృష్ణా, పశ్చిమ గోదావరి జిల్లాల్లో కూడా సూపర్బ్ కలెక్షన్స్ వస్తున్నాయి. మాకు అందిన విశ్వసనీయ వర్గాల సమాచారం ప్రకారం ఈ మూడు ఏరియాల కలెక్షన్ రిపోర్ట్ ని మీకందిస్తున్నాం.
| ఏరియా | 3వ రోజు కలెక్షన్స్ | 3 రోజుల మొత్తం షేర్ |
| గుంటూరు | 36.50 లక్షలు | 1.95 కోట్లు |
| కృష్ణా | 35.60 లక్షలు | .28 కోట్లు |
| పశ్చిమ గోదావరి | 22 లక్షలు | 1.11 కోట్లు |
| మొత్తం | 94.1 లక్షల | 4.34 కోట్లు |
యంగ్ టైగర్ ఎనర్జిటిక్ పెర్ఫార్మన్స్ కి పూరి జగన్నాధ్ డైరెక్షన్, స్క్రీన్ ప్లే, పంచ్ డైలాగ్స్ తోడవడంతో థియేటర్స్ లో ఆడియన్స్ ఫుల్ ఎంజాయ్ చేస్తున్నారు.వక్కంతం వంశీ కథ అందించిన ఈ సినిమాలో కాజల్ అగర్వాల్ హీరోయిన్ గా నటించగా, మధురిమ, సోనియా అగర్వాల్ ముఖ్య పాత్రల్లో కనిపించారు. బ్లాక్ బస్టర్ కోసం ఎంతగానో కష్టపడే బండ్ల గణేష్ ఈ సినిమాతో మరోసారి బ్లాక్ బస్టర్ అందుకున్నాడు. అనూప్ రూబెన్స్ మ్యూజిక్ అందించాడు.