“పుష్ప”లో కీ రోల్ కు ఈ హీరో పేరు?

స్టైలిష్ స్టార్ అల్లు అర్జున్ హీరోగా రష్మికా మందన్నా హీరోయిన్ గా దర్శకుడు సుకుమార్ తెరకెక్కిస్తున్న భారీ పాన్ ఇండియన్ చిత్రం “పుష్ప”. మొదట నార్మల్ గానే స్టార్ట్ చేసినా తర్వాత పాన్ ఇండియన్ ఫ్లిక్ గా అనౌన్స్ చేసిన ఈ చిత్రం కోసం బన్నీ సహా బాలీవుడ్ వర్గాలు కూడ ఎదురు చూస్తున్నాయి. అయితే ఇప్పుడు ఈ చిత్రం షూటింగ్ కూడా మిగతా చిత్రాలతో పాటుగా తిరిగి షూటింగ్ ను మొదలు పెట్టనుంది.

అయితే ఈ భారీ చిత్రానికి సంబంధించి ఒక లేటెస్ట్ బజ్ ఒకటి వినిపిస్తుంది. ఈ చిత్రంలో ఒక ఇంపార్టెంట్ రోల్ ను ఒక హీరోతో చేయించనున్నారని తెలిసింది. అయితే ఆ రోల్ కు మన టాలీవుడ్ లోని అండర్ రేటెడ్ అండ్ టాలెంటెడ్ హీరో నారా రోహిత్ పేరే వినిపిస్తుంది. మరి ఇందులో ఎంతవరకు నిజముందో కానీ అధికారిక సమాచారం రావాల్సి ఉంది. ఈ చిత్రాన్ని మొత్తం 5 భాషల్లో విడుదల చేస్తుండగా దేవిశ్రీ ప్రసాద్ సంగీతం అందిస్తున్నారు.