తెలుగు ప్రేక్షకులు ఎంతగానో ఎదురుచూస్తున్న మెగాస్టార్ చిరంజీవి 150వ సినిమా శరవేగంగా షూటింగ్ జరుపుకుంటోంది. సినిమాలోని కీలక సన్నివేశాలన్నింటినీ హైదరాబాద్ పరిసర ప్రాంతాల్లోనే షూట్ చేస్తున్నారు చిత్ర టీమ్. ప్రస్తుతం ‘సింగప్ప కొండ’ గ్రామంలో రెండవ షెడ్యూల్ జరుపుకుంటున్న ఈ చిత్రం త్వరలో మూడవ షెడ్యూల్ మొదలుపెట్టనుంది.
ఈ షెడ్యూల్ హైదరాబాద్ లోని ‘నానక్ రామ్ గూడలో’ జరగనుంది. సినిమాలోని కొన్ని కీలక సన్నివేశాలను ఈ షెడ్యూల్లోనే పూర్తిచేయనున్నారు. అందుకోసం భారీ సెట్టింగ్ ను కూడా వేస్తున్నారు. ఈ సెట్టింగ్ మొత్తం ప్రముఖ కళా దర్శకుడు ‘తోట తరణి’ గారి సారథ్యంలో రూపుదిద్దుకొంటోంది. సాధారణ సినిమాలకే తన కళా నైపుణ్యంతో మంచి అందం తీసుకొచ్చే తోట తరణి చిరు 150 వ సినిమా సెట్టింగ్ కోసం ప్రత్యేక శ్రద్ద పెట్టి సినిమా మొత్తానికి ఈ సెట్టింగ్ హైలెట్ గా నిలిచేలా ప్లాన్ చేసినట్టు తెలుస్తోంది. ఇకపోతే వివి. వినాయక్ తెరకెక్కిస్తున్న ఈ చిత్రంలో కాజల్ హీరోయిన్ కాగా రామ్ చరణ్ చిత్ర నిర్మాతగా వ్యవహరిస్తున్నారు.