‘నువ్విలా’ సినిమాతో తెలుగు ప్రేక్షకులకు పరిచయమై, ‘జీనియస్’తో తన లోని టాలెంట్ ని చూపిన యంగ్ హీరో హవీష్ చేసిన మరి లేటెస్ట్ మూవీ ‘రామ్ లీల’. హవీష్ తో పాటు అభిజిత్, నందిత నటీనటులుగా శ్రీపురం కిరణ్ దర్శకత్వంలో రూపొందిన ఈ సినిమాని కోనేరు సత్యనారాయణ సమర్పణలో రామదూత క్రియేషన్స్ పతాకంపై దాసరి కిరణ్ కుమార్ నిర్మించాడు. చిన్నా మరియు శివమణి కలిసి సంగీతం అందించిన ఈ సినిమా ఆడియో ఇటీవలే విడుదలై మంచి రెస్పాన్స్ తెచ్చుకుంది. షూటింగ్ తో పాటు అన్ని పోస్ట్ ప్రొడక్షన్ కార్యక్రమాలను పూర్తి చేసుకున్న ఈ సినిమా ఫిబ్రవరి 27న గ్రాండ్ గా రిలీజ్ కానుంది.
త్వరలో సెన్సార్ కి పంపడానికి ఈ చిత్ర టీం ప్లాన్ చేస్తోంది. ఇదిలా ఉంటే మరో వైపు ఈ చిత్ర టీం భారీ ఎత్తున ప్రమోషన్స్ చేస్తోంది. చిన్న సినిమా అయినప్పటికీ ఓ మంచి సినిమాని ప్రేక్షకులందరికీ రీచ్ అయ్యేలా చెయ్యాలని పలు కొత్త రకాల ఆలోచనలతో ప్రమోషన్స్ చేస్తున్నారు. ఆడియో లాంచ్ కార్యక్రమంలో లాంచ్ చేసిన ఫస్ట్ ట్రైలర్ కి మంచి రెస్పాన్స్ ఇచ్చాడు. ట్రై యాంగిల్ లవ్ స్టొరీ అయిన ఈ సినిమా పై హవీష్ చాలా నమ్మకంగా ఉన్నాడు. మలేసియా నేపథ్యంలో సాగే ఈ ప్రేమకథలో లవ్, కామెడీ, సెంటిమెంట్ ఇలా అన్నీ వర్గాల ప్రేక్షకులను ఆకట్టుకునే అంశాలు ఉండేలా ప్లాన్ చేసుకున్నారు.