నటసింహం నందమూరి బాలకృష్ణ అన్‌స్టాపబుల్ షోకు పాన్ ఇండియా స్టార్ ప్రభాస్ విచ్చేస్తున్నాడు. ప్రభాస్‌కు విపరీతమైన ఫాలోయింగ్ ఉంది మరియు అతని సింప్లిసిటీ, బిహేవియర్ కారణం గా సూపర్ క్రేజ్ ను సొంతం చేసుకున్నారు. ప్రభాస్ బయట చాలా అరుదుగా కనిపిస్తుండడంతో ఈ ఎపిసోడ్ అనౌన్స్ చేసిన దగ్గరి నుంచి విపరీతమైన క్రేజ్ సంపాదించుకుంది. నిన్న ఆహా వీడియో ప్రోమో విడుదల చేయడం జరిగింది.
ఈ మూడు నిమిషాల ప్రోమో ఒక రోజులో అద్భుతమైన కోటి డిజిటల్ వ్యూస్ ను సంపాదించింది. అలాగే, దీనికి 900కే కి పైగా లైక్‌లు వచ్చాయి. ప్రస్తుతం ఈ వీడియో యూట్యూబ్‌లో ట్రెండింగ్‌లో ఉంది. ఇది నటుడి అభిమానులలో ఉన్న క్రేజ్ ను తెలియజేస్తుంది. ప్రోమోకే ఇంత రెస్పాన్స్ వచ్చినట్లయితే, పూర్తి నిడివి గల ఎపిసోడ్ కొత్త రికార్డులు క్రియేట్ చేసే అవకాశం ఉంది.