విడుదల తేదీ : జూన్ 5, 2026
123తెలుగు.కామ్ రేటింగ్ : 2.75/5
నటీనటులు : వరుణ్ ధావన్, మృణాల్ ఠాకూర్, పూజా హెగ్డే, మనీష్ పాల్, చంకీ పాండే, జిమ్మీ షెర్గిల్, మౌనీ రాయ్ తదితరులు
దర్శకత్వం : డేవిడ్ ధావన్
నిర్మాత : రమేష్ తౌరాని
సంగీతం : వైట్ నాయిస్ కలెక్టివ్స్, తనిష్క్ బాగ్చి, రోని అజ్నలీ, గిల్ మచ్రాయ్, జావేద్-మోహ్సిన్, అక్షయ్ & ఐపి
ఛాయాగ్రహణం : అయనంక బోస్
ఎడిటర్: రితేష్ సోని
సంబంధిత లింక్స్ : ట్రైలర్
బాలీవుడ్ హీరో వరుణ్ ధావన్ నటించిన లేటెస్ట్ రొమాంటిక్ కామెడీ ఎంటర్టైనర్ ‘హై జవానీ తో ఇష్క్ హోనా హై’ నేడు థియేటర్లలో రిలీజ్ అయింది. పూజా హెగ్డే, మృణాల్ ఠాకూర్ హీరోయిన్లుగా నటించిన ఈ చిత్రానికి డేవిడ్ ధావన్ దర్శకత్వం వహించాడు. మరి ఈ సినిమా ఎలా ఉందో రివ్యూలో చూద్దాం.
కథ :
జస్వీందర్ అహుజా అలియాస్ జస్ అహుజా (వరుణ్ ధావన్) ఒక వెడ్డింగ్ ఫోటోగ్రాఫర్. ఒక పెళ్లిలో పని చేస్తున్నప్పుడు అతను బాని (మృణాల్ ఠాకూర్)తో ప్రేమలో పడతాడు. బాని కూడా అతన్ని ప్రేమిస్తుంది, ఆపై వారిద్దరూ సినిమాటిక్ స్టైల్లో పెళ్లి చేసుకుంటారు. అయితే, పెళ్లయిన ఐదేళ్ల తర్వాత బాని విడాకుల కోసం అప్లై చేస్తుంది. ఎందుకంటే జస్ అహుజా పిల్లలను కోరుకుంటాడు,.కానీ బాని తన ప్రొఫెషనల్ కెరీర్ మరియు బాధ్యతలను కారణం చూపిస్తూ అందుకు నిరాకరిస్తుంది. ఆ తర్వాత, జస్ అహుజా లండన్ వెళ్ళిపోతాడు. అక్కడ ప్రీత్ (పూజా హెగ్డే)తో డేటింగ్ ప్రారంభిస్తాడు. అయితే, జస్ అహుజాకు షాక్ ఇస్తూ బాని మళ్లీ అతని జీవితంలోకి తిరిగి వస్తుంది. ఆ తర్వాత అతని జీవితంలో ఎలాంటి గందరగోళం, వినోదం చోటుచేసుకున్నాయి? అనేది మిగతా కథ.
ప్లస్ పాయింట్స్ :
ఈ సినిమాలోని సెకండ్ హాఫ్ మంచి ఎంటర్టైన్మెంట్తో సాగుతుంది. ఇంటర్వెల్ ట్విస్ట్ తర్వాత, హీరో ఇద్దరు అమ్మాయిల మధ్య నలిగిపోయే సీన్లతో కథనం వేగం పుంజుకుంటుంది. ఇద్దరు హీరోయిన్లకి నిజం తెలియకుండా దాచడానికి వరుణ్ ధావన్ చేసే విన్యాసాలు మంచి నవ్వులు పూయిస్తాయి.
సెకండ్ హాఫ్లో రాకేష్ బేడి, చంకీ పాండేల మధ్య వచ్చే హాస్పిటల్ సీక్వెన్స్, అలాగే మనీష్ పాల్తో వచ్చే హౌస్ సీక్వెన్స్ బాగా కుదిరాయి. వరుణ్ ధావన్ తన ఎంటర్టైనింగ్ పెర్ఫార్మెన్స్తో ఆకట్టుకున్నాడు మరియు సినిమా పొడవునా స్క్రీన్పై ఎంతో ఎనర్జిటిక్గా కనిపించాడు. వినోదాత్మక డైలాగులు చక్కగా రాశారు. ఉదాహరణకు, ‘జవాన్’ సినిమాలోని షారుఖ్ ఖాన్ను ఉద్దేశించి వచ్చే డైలాగ్ నవ్వులు పూయిస్తుంది.
మృణాల్ ఠాకూర్, పూజా హెగ్డే పాత్రలు ఎక్కువగా గ్లామర్ కోసమే అన్నట్టుగా ఉన్నప్పటికీ, ఇద్దరూ తమ పరిధి మేర బాగానే చేశారు. సినిమా రన్టైమ్ తక్కువగా ఉండటం, ఎక్కడా పెద్దగా బోర్ కొట్టే సీన్లు లేకపోవడం ప్లస్ పాయింట్.
మైనస్ పాయింట్స్ :
సెకండ్ హాఫ్లో జోకులు, వినోదం బాగానే పండినప్పటికీ, క్లైమాక్స్ వల్ల సినిమా ఇంపాక్ట్ మరియు హీరో క్యారెక్టరైజేషన్ దెబ్బతిన్నాయి. క్లైమాక్స్లో హీరోని కేవలం అమ్మాయిల కోసం పాకులాడే వ్యక్తిగా చూపించారు. కానీ అప్పటివరకు సాగిన కథ చూస్తే అతని క్యారెక్టర్ అలా అనిపించదు. భార్య విడాకులు ఇవ్వడం వల్లే జస్ అహుజా మరో రిలేషన్షిప్లోకి వెళ్తాడు తప్ప, ఎలాంటి చెడు ఉద్దేశంతో కాదు.
ఫస్ట్ హాఫ్లో చాలా తక్కువ జోకులు మాత్రమే వర్కవుట్ అయ్యాయి. మిగతావి అనుకున్న స్థాయిలో పండకపోవడంతో ఫస్ట్ హాఫ్ యావరేజ్గా సాగుతుంది. ముఖ్యంగా, మొదటి అరగంటలో వచ్చే లవ్ ట్రాక్ చాలా రొటీన్గా ఉంటుంది.
సాధారణంగా ఇలాంటి రోమ్-కామ్ సినిమాలకు మంచి సంగీతం ఎంతో ముఖ్యం. కానీ ఈ విషయంలో ‘హై జవానీ తో ఇష్క్ హోనా హై’ డిజప్పాయింట్ చేసింది. కేవలం ఒకే ఒక్క సాంగ్ మాత్రమే ఆకట్టుకుంటుంది. క్లైమాక్స్లో ఎమోషన్స్ పండించడానికి మంచి స్కోప్ ఉన్నప్పటికీ, దర్శకుడు దానిని సరిగ్గా ఉపయోగించుకోలేకపోయాడు.
సాంకేతిక విభాగం :
దర్శకుడు డేవిడ్ ధావన్ మేకింగ్ మిక్స్డ్గా ఉంది. ఫస్ట్ హాఫ్ పెద్దగా ఆకట్టుకోనప్పటికీ, సెకండ్ హాఫ్లో మంచి హ్యూమర్ని పండించారు. అయితే, క్లైమాక్స్ మరియు ఆ తర్వాత వచ్చే క్యామియో రోల్ వల్ల సినిమా ఓవరాల్ ఇంపాక్ట్ తగ్గిపోయింది. సంగీతం పెద్దగా ఆకట్టుకోలేదు. ఇంకా మంచి పాటలు ఉండి ఉంటే సినిమా మరో స్థాయిలో ఉండేది. రాజు సింగ్ బ్యాక్గ్రౌండ్ స్కోర్ పర్వాలేదు. అయాంకా బోస్ కెమెరా వర్క్ కలర్ఫుల్గా ఉంది. ఎడిటింగ్, ప్రొడక్షన్ వాల్యూస్ పర్వాలేదు.
తీర్పు :
ఓవరాల్గా చూస్తే.. రొమాంటిక్ కామెడీ చిత్రంగా వచ్చిన ‘హై జవానీ తో ఇష్క్ హోనా హై’ కొన్ని చోట్ల మాత్రమే మెప్పించింది. సెకండ్ హాఫ్, వరుణ్ ధావన్ ఎంటర్టైనింగ్ పెర్ఫార్మెన్స్, పూజా హెగ్డే-మృణాల్ ఠాకూర్ల గ్లామర్ మరియు కొన్ని కామెడీ సీన్లు ఈ సినిమాకు బలం. అయితే, అంతగా ఆకట్టుకోని ఫస్ట్ హాఫ్, వీక్ మ్యూజిక్ మరియు క్లైమాక్స్ దీని ఓవరాల్ ఇంపాక్ట్ని తగ్గించాయి. మంచి రొమాంటిక్ కామెడీ చిత్రాలను ఇష్టపడే వారు ఈ చిత్రాన్ని తక్కువ అంచనాలతో ఒకసారి ట్రై చేయవచ్చు.
123telugu.com Rating: 2.75/5
Reviewed by 123telugu Team