నితిన్ తో ‘గుండె జారి గల్లంతయ్యిందే’ చిత్రాన్ని తెరకెక్కించిన మొదటి సినిమాతోనే సూపర్ హిట్ కొట్టాడు దర్శకుడు విజయ్ కుమార్ కొండా. ఈచిత్రం తరువాత కొంత గ్యాప్ ఇచ్చి నాగ చైతన్యతో ‘ఒక లైలా కోసం’ అనే చిత్రాన్ని తెరకెక్కించాడు. ఈ చిత్రం కూడా పర్వాలేదనిపించింది.
ఇక దీని తరువాత ఇప్పటివరకు తెలుగులో తన కొత్త చిత్రాన్ని ప్రకటించలేదు. తాజాగా ఈ దర్శకుడు కన్నడ యువ హీరో నిఖిల్ గౌడ కు కథ చెప్పి సినిమా కు ఒప్పించాడట. తర్వలోనే ఈ చిత్రం ప్రారంభం కానుందని సమాచారం. నిఖిల్ ‘జాగ్వర్’ అనే చిత్రంతో తెలుగు ప్రేక్షకుల పరిచయం కావడంతో ఈచిత్రం కన్నడ తో పాటు తెలుగులో కూడా విడుదల అయ్యే అవకాశాలు వున్నాయి.