హీరో నాగ శౌర్య రష్మిక మందాన తో కలిసి చేసిన “ఛలో”మూవీ అతనికి ఓ మంచి విజయాన్ని అందించింది. తరువాత ఆయన చేసిన “కణం”,”అమ్మమ్మ గారిల్లు” “నర్తనశాల” చిత్రాలలో ఏది కూడా ఆశించినంత విజయం అందించలేదు. తాజాగా నాగ శౌర్య నటిస్తూ ఓ చిత్రాన్ని నిర్మిస్తున్నాడు. విభిన్నమైన కథాకథనాలతో రూపొందుతోన్న ఈ సినిమాకి ‘అశ్వద్ధామ’ అనే టైటిల్ ను ఖరారుచేయనున్నట్లు సమాచారం. ఈ టైటిల్ ను ఆయన రిజిస్టర్ కూడా చేయించడంతో ఈ టైటిల్ నే ఫైనల్ చేసే అవకాశాలున్నాయి.

నూతన దర్శకుడు రమణ తెరకెక్కిస్తున్న ఈ మూవీలో, నాగశౌర్య కి జంటగా మెహ్రీన్ నటిస్తోంది. ఇప్పటికే చాలావరకూ చిత్రీకరణను జరుపుకుంది. త్వరలోనే ఫస్ట్‌లుక్ ను రిలీజ్ చేయనున్నారట.మరో వైపు దర్శకేంద్రుడు రాఘవేంద్రరావు నిర్మాతగా వస్తున్న ప్రయోగాత్మక చిత్రం లో హీరోగా నాగ శౌర్య నటిస్తున్నట్లు వార్తలొస్తున్నాయి