మలయాళ చిత్ర పరిశ్రమలో తన అద్భుత నటనతో గుర్తింపు పొందిన వెర్సటైల్ నటుడు ఫహద్ ఫాజిల్ (Fahad Faazil ), తాజాగా తన అభిమానులకు ఒక భారీ అప్డేట్ ఇచ్చారు. ప్రస్తుతం ఆయన తెలుగులో హీరోగా నటిస్తున్న మొదటి సినిమా ‘డోంట్ ట్రబుల్ ద ట్రబుల్’ షూటింగ్లో బిజీగా ఉండగా, తన కెరీర్లోనే బిగ్గెస్ట్ హిట్లలో ఒకటిగా నిలిచిన ‘ఆవేశం’ చిత్రానికి సీక్వెల్ రాబోతున్నట్లు అధికారికంగా ప్రకటించారు. 2024లో విడుదలైన ఈ సినిమాలో ఫహద్ పోషించిన ‘రంగా’ పాత్రకు ప్రేక్షకుల నుండి విశేష స్పందన లభించిన సంగతి తెలిసిందే.
తాజాగా జరిగిన ఒక కార్యక్రమంలో ఫహద్ మాట్లాడుతూ, ‘ఆవేశం 2’ ఖచ్చితంగా ఉంటుందని స్పష్టం చేశారు. అయితే ఈ ప్రాజెక్ట్ పట్టాలెక్కడానికి మరికొంత సమయం పట్టే అవకాశం ఉందని ఆయన పేర్కొన్నారు. ప్రస్తుతం ఫహద్ మరియు దర్శకుడు జితు మాధవన్ ఇద్దరూ తమ ముందస్తు కమిట్మెంట్లతో బిజీగా ఉండటమే దీనికి కారణం. ఈ క్రేజీ సీక్వెల్ షూటింగ్ దాదాపు 2027 లేదా 2028 సంవత్సరాల్లో ప్రారంభమయ్యే అవకాశం ఉందని ఆయన హింట్ ఇచ్చారు.
ప్రస్తుతం దర్శకుడు జితు మాధవన్ తమిళ స్టార్ హీరో సూర్యతో తన తదుపరి చిత్రాన్ని రూపొందిస్తున్నారు. ఆ ప్రాజెక్ట్ పూర్తయిన తర్వాత, ఫహద్ తన ఇతర సినిమాలను ముగించుకుని ఈ కాంబో మళ్ళీ పట్టాలెక్కనుంది. ‘పుష్ప’ చిత్రంతో తెలుగు ప్రేక్షకులకు దగ్గరైన ఫహద్, ఇప్పుడు అటు సోలో హీరోగా ఇటు ‘ఆవేశం 2’ వంటి భారీ సీక్వెల్స్తో దక్షిణాది సినీ ప్రియులను అలరించడానికి సిద్ధమవుతున్నారు
