‘ఎన్నై ఆరిందాల్’ సినిమా విజయంతో సంతోషంగా ఉన్న త్రిషకు తమిళంలో మరో అవకాశం వచ్చింది. యువహీరో జై సరసన ఆమె జోడి కట్టబోతుంది. గ్రామీణ యువతి పాత్రలో కనిపిస్తుందని సమాచారం. తిరు ఈ సినిమాకు దర్శకుడు. తమన్ సంగీత దర్శకుడు. గతంలో ఈ దర్శకుడు తెరకెక్కించిన ‘సమర్’ (తెలుగులో వేటాడు వెంటాడు) సినిమాలో త్రిష హీరోయిన్ గా నటించింది. ఇప్పుడు అదే కాంబినేషన్ రిపీట్ చేయబోతున్నారు. పెళ్లి కుదిరిన తర్వాత త్రిష సంతకం చేసిన మొదటి సినిమా ఇది.
ఈ సినిమాను త్రిషకు కాబోయే భర్త వరుణ్ మణియన్ నిర్మిస్తుండడం విశేషం. సుశాంత్ ప్రసాద్ మరో నిర్మాత భాగస్వామ్యంతో సినిమాను నిర్మిస్తున్నారు. పెళ్లి తర్వాత సినిమాలో నటించే విషయంలో త్రిష కాబోయే భర్త ఎటువంటి ఆంక్షలు విధించడం లేదని క్లియర్ అయ్యింది.