సుప్రీమ్ హీరో సాయి ధరమ్ తేజ్ నటిస్తున్న ‘చిత్రలహరి’ షూటింగ్ తుది దశకు చేరుకుంది. మరో వైపు పోస్ట్ ప్రొడక్షన్ పనులు కూడా శరవేగంగా జరుగుతున్నాయి. అందులో భాగంగా చిత్ర హీరోయిన్ కళ్యాణి ప్రియదర్శన్ తన పాత్రకు డబ్బింగ్ చెప్పింది. ఇక ఈ చిత్రం యొక్క టీజర్ ను రెడీ చేసే పనిలో ఉన్నారట చిత్ర యూనిట్. ఈ టీజర్ రొమాంటిక్ గా వుండనుందట. హోలీ కానుకగా ఈ టీజర్ ను విడుదలచేసే అవకాశాలు ఉన్నాయని సమాచారం. అయితే త్వరలోనే ఈ టీజర్ విడుదల గురించి అధికారిక ప్రకటన వెలుబడనుంది. రొమాంటిక్ ఎంటర్టైనర్ గా తెరకెక్కుతున్న ఈ చిత్రంలో నివేత పేతురాజ్ మరో కథానాయికగా నటిస్తుండగా ప్రముఖ నటుడు సునీల్ ముఖ్య పాత్రలో కనిపించనున్నాడు.
రాక్ స్టార్ దేవి శ్రీ ప్రసాద్ సంగీతం అందిస్తున్న ఈ చిత్రాన్ని మైత్రీ మూవీ మేకర్స్ నిర్మిస్తుంది. ఈచిత్రం ఏప్రిల్ 12న విడుదలకానుంది.