ఆర్య, అనుష్క ప్రధాన పాత్రలలో రానున్న “భూలోకంలో నందకుమారుడు” చివరి షెడ్యూల్ నిన్న హైదరాబాద్లో మొదలయ్యింది. కొన్ని కీలక సన్నివేశాల చిత్రీకరణే కాకుండా హారిస్ జయరాజ్ చివరి పాటను కూడా ఇక్కడ కంపోజ్ చెయ్యనున్నారు. సెల్వ రాఘవన్ దర్శకత్వంలో రానున్న ఈ చిత్రం భారీ బడ్జెట్ తో తెరకెక్కుతుంది. ఈ చిత్రంలో చాలా భాగం హైదరాబాద్,చెన్నై మరియు జర్జియాలలో చిత్రీకరించారు. ఈ చిత్రంలో అనుష్క ద్విపాత్రాభినయం చేస్తుంది. ఈ చిత్రాన్ని తమిళంలో కూడా ఒకేసారి “ఇరండాం ఉళగం” పేరుతో తెరకెక్కిస్తున్నారు. సెల్వ రాఘవన్ గతంలో “యుగానికి ఒక్కడు” వంటి అడ్వెంచర్ చిత్రాన్ని తెరకెక్కించడంతో ఈ చిత్రం మీద భారీ అంచనాలు నెలకొన్నాయి. పివిపి సినిమాస్ బ్యానర్ మీద ప్రసాద్ వి పోట్లురి ఈ చిత్రాన్ని నిర్మిస్తున్నారు. వచ్చే ఏడాది మొదట్లో ఈ చిత్రం విడుదల కానుంది.