యువ నటుడు సిద్దు జొన్నల గడ్డ హీరోగా ఫార్చూన్ ఫోర్ సినిమాస్, సితార ఎంటర్టైన్మెంట్స్, శ్రీకర స్టూడియోస్ సంస్థల పై సూర్యదేవర నాగవంశీ, సాయి సౌజన్య గ్రాండ్ గా నిర్మిస్తున్న తాజా సినిమా టిల్లు స్క్వేర్. మల్లిక్ రామ్ తెరకెక్కిస్తున్న ఈ మూవీలో అనుపమ పరమేశ్వరన్ హీరోయిన్ గా నటిస్తుండగా రామ్ మిరియాల, శ్రీచరణ్ పాకాల సంగీతం అందిస్తున్నారు. గత ఏడాది రిలీజ్ అయి సూపర్ హిట్ కొట్టిన డీజే టిల్లు మూవీకి సీక్వెల్ గా తెరకెక్కుతున్న ఈ మూవీ నుండి నేడు టికెటే కొనకుండా అనే పల్లవితో సాగే ఫస్ట్ లిరికల్ సాంగ్ ని కొద్దిసేపటి క్రితం యూట్యూబ్ లో రిలీజ్ చేసారు మేకర్స్.
ఇప్పటికే రిలీజ్ అయిన ఈ సాంగ్ ప్రామో ఆకట్టుకోగా నేడు రిలీజ్ అయిన ఫుల్ సాంగ్ మంచి మాస్ బీట్ తో యువత, మాస్ ఆడియన్స్ ని ఎంతో అలరిస్తుంది. రామ్ మిరియాల పాడడంతో పాటు స్వరపరిచిన ఈ సాంగ్ లో హీరో సిద్దు జొన్నలగడ్డ డ్యాన్స్ తో పాటు విజువల్స్ కూడా బాగున్నాయి. ఇక ప్రస్తుతం ఈ సాంగ్ యూట్యూబ్ లో మంచి వ్యూస్ అందుకుంటోంది. కాగా టిల్లు స్క్వేర్ మూవీని అన్ని కార్యక్రమాలు ముగించి త్వరలో ప్రేక్షకాభిమానుల ముందుకి తీసుకురానున్నారు.
వీడియో కోసం ఇక్కడ క్లిక్ చేయండి