ఆస్కార్ విజేత, స్టార్ మ్యూజిక్ డైరెక్టర్ ఏఆర్ రెహమాన్ సుదీర్ఘ విరామం తర్వాత నేరుగా తెలుగు సినిమాల్లోకి గ్రాండ్ రీఎంట్రీ ఇస్తున్నారు. మెగా పవర్ స్టార్ రామ్ చరణ్ హీరోగా, బుచ్చిబాబు సానా దర్శకత్వంలో తెరకెక్కుతున్న పాన్-ఇండియా చిత్రం ‘పెద్ది’ ద్వారా ఆయన మళ్ళీ టాలీవుడ్కు చేరువయ్యారు. ఇప్పటికే ఈ సినిమా నుండి విడుదలైన మొదటి సింగిల్ ‘చికిరి చికిరి’ సోషల్ మీడియాలో సెన్సేషన్ క్రియేట్ చేస్తోంది. రెహమాన్ అందించిన అద్భుతమైన మ్యూజిక్ సినిమాపై అంచనాలను ఆకాశానికి తీసుకెళ్లింది. మిగిలిన పాటల కోసం ప్రేక్షకులు ఇప్పుడు ఎంతో ఆసక్తిగా ఎదురుచూస్తున్నారు.
’పెద్ది’ సినిమాతో మొదలైన ఈ ఊపుతో, రెహమాన్ ఇప్పుడు వరుస టాలీవుడ్ ఆఫర్లను దక్కించుకుంటున్నారు. ఆయన కూడా తెలుగు ప్రాజెక్టులపై ప్రత్యేక ఆసక్తిని కనబరుస్తుండటం విశేషం. తాజా సమాచారం ప్రకారం, మెగాస్టార్ చిరంజీవి మరియు దర్శకుడు బాబీ కొల్లి కలయికలో రాబోయే భారీ ప్రాజెక్ట్ కోసం రెహమాన్తో చర్చలు జరుగుతున్నాయి. దీనికి సంబంధించిన అధికారిక ప్రకటన త్వరలోనే వెలువడనుంది. ఈ కాంబినేషన్ సెట్ అయితే మెగా అభిమానులకు అది అతిపెద్ద ట్రీట్ అని చెప్పవచ్చు.
మెగాస్టార్తోనే కాకుండా, మరో హీరో విజయ్ దేవరకొండ నెక్స్ట్ సినిమాకు కూడా ఏఆర్ రెహమాన్ సంగీతం అందించే అవకాశం ఉంది. విక్రమ్ కుమార్ దర్శకత్వంలో యూవీ క్రియేషన్స్ నిర్మించనున్న ఈ చిత్రం కోసం రెహమాన్ను సంప్రదించినట్లు తెలుస్తోంది. వీటితో పాటు మరికొన్ని క్రేజీ ప్రాజెక్టులు కూడా చర్చల దశలో ఉన్నాయి. మొత్తానికి, సెకండ్ ఇన్నింగ్స్లో రెహమాన్ తన మ్యూజిక్తో టాలీవుడ్ను మరోసారి ఊపేయడానికి సిద్ధమయ్యారు.