గత వారమే సరిగ్గా ఇదే సమయానికి బాలయ్య నటించిన అవైటెడ్ చిత్రం అఖండ 2 చివరి నిమిషం వరకు సస్పెన్స్ మైంటైన్ అవుతూ రిలీజ్ ఆగినట్టు క్లారిటీ వచ్చిన సంగతి తెలిసిందే. ఇక ఈ వారం కూడా మళ్ళీ అదే తరహాలో కోలీవుడ్ నటుడు కార్తీ నటించిన చిత్రం ‘అన్నగారు వస్తారు’ కూడా వాయిదా పడినట్టు కన్ఫర్మ్ అయ్యింది.
ఈ సినిమాకి కూడా నిర్మాణ సంస్థ స్టూడియో గ్రీన్ వారికి ఫైనాన్సియల్ సమస్యలు ఉన్నాయని ఈ కారణంగా వాయిదా పడొచ్చు అనే రూమర్స్ వచ్చాయి. సో అవే నిజమయ్యి సినిమా రిలీజ్ అధికారికంగా వాయిదా వేసినట్టు యూఎస్ డిస్ట్రిబ్యూషన్ వారు కన్ఫర్మ్ చేశారు. దీనితో తెలుగు సహా తమిళ్ రెండు భాషల్లోని ఈ సినిమా థియేటర్స్ లో రేపు పడటం లేదట. దీనితో కార్తీ సినిమా కూడా చివరి నిమిషంలో ఆగిపోయింది అని చెప్పాలి. ఇక కొత్త డేట్ ఎప్పుడు వస్తుంది అనేది క్లారిటీ రావాల్సి ఉంది.