శర్వానంద్ కథానాయకుడిగా నటిస్తున్న సరికొత్త స్పోర్ట్స్ డ్రామా ‘బైకర్’ ఏప్రిల్ 3న థియేటర్లలో విడుదలయ్యేందుకు సిద్ధమవుతోంది. అభిలాష్ రెడ్డి కంకర దర్శకత్వంలో, ప్రముఖ నిర్మాణ సంస్థ యూవీ క్రియేషన్స్ నిర్మించిన ఈ చిత్రంపై ప్రేక్షకుల్లో భారీ అంచనాలు నెలకొన్నాయి. భారతదేశంలోనే మొట్టమొదటి మోటోక్రాస్ నేపథ్య చిత్రంగా వస్తున్న ఈ సినిమా, ఉత్కంఠభరితమైన రేసింగ్ యాక్షన్తో పాటు హృదయాన్ని హత్తుకునే భావోద్వేగాలను మిళితం చేసి రూపొందించబడింది.
ఈ సినిమా ప్రచార కార్యక్రమాలు ఇప్పటికే ఊపందుకున్నాయి. గత రెండు రోజులుగా థియేటర్లలో ‘ఉస్తాద్ భగత్ సింగ్’ ప్రదర్శనల సమయంలో ఈ చిత్ర ట్రైలర్ను ప్రదర్శిస్తుండగా, చూసిన వారందరూ శర్వానంద్ మేకోవర్ మరియు యాక్షన్ సీక్వెన్స్లపై ప్రశంసలు కురిపిస్తున్నారు. రేపు ఈ ట్రైలర్ను డిజిటల్ ప్లాట్ఫామ్స్ ద్వారా అధికారికంగా విడుదల చేయడమే కాకుండా, హైదరాబాద్లోని ప్రసాద్ మల్టీప్లెక్స్లో ఒక భారీ ఈవెంట్ను కూడా చిత్ర బృందం నిర్వహించనుంది.
మాళవిక నాయర్ హీరోయిన్ గా నటిస్తున్న ఈ సినిమాలో రాజశేఖర్, బ్రహ్మాజీ మరియు అతుల్ కుల్కర్ణి వంటి సీనియర్ నటులు కీలక పాత్రల్లో కనిపిస్తున్నారు. శర్వానంద్ కెరీర్లో ఈ ‘బైకర్’ సినిమా ఒక మైలురాయిగా నిలుస్తుందని అభిమానులు ఆశిస్తున్నారు.