పవర్ స్టార్ పవన్ కళ్యాణ్ రీసెంట్గా ‘ఉస్తాద్ భగత్ సింగ్’ చిత్రంతో ప్రేక్షకుల ముందుకు వచ్చాడు. దర్శకుడు హరీష్ శంకర్ డైరెక్షన్లో ఈ సినిమా రావడంతో ప్రేక్షకుల్లో సాలిడ్ అంచనాలు క్రియేట్ అయ్యాయి. కట్ చేస్తే.. ఈ సినిమా బాక్సాఫీస్ దగ్గర రొటీన్ యాక్షన్ ఎంటర్టైనర్గా అనుకున్న స్థాయిలో విజయాన్ని అందుకోలేకపోయింది. దీంతో పవన్ కెరీర్లో ఈ చిత్రం డిజాస్టర్గా మిగిలింది.
ఇక ‘ఉస్తాద్ భగత్ సింగ్’పై భారీ నమ్మకం పెట్టుకున్న పవన్కు ఆ సినిమా చేదు అనుభవాన్ని మిగిల్చింది. దీంతో తాను కమిట్ అయిన నెక్స్ట్ సినిమాపై చాలా జాగ్రత్తగా ఉండాలని పవన్ ఆలోచిస్తున్నాడు. దర్శకుడు సురేందర్ రెడ్డితో పవన్ ఓ సినిమాను కమిట్ అయిన సంగతి తెలిసిందే. అయితే, ఈ చిత్రాన్ని ఉగాది కానుకగా లాంచ్ చేయాలని మేకర్స్ భావించారు. కానీ, స్క్రిప్టు విషయంలో పవన్ చాలా మార్పులు చెప్పడంతో సురేందర్ అండ్ టీమ్ వాటిని మార్చే పనిలో బిజీగా ఉన్నారు. స్క్రిప్టు పక్కాగా ఉంటేనే పవన్ ఈ చిత్రాన్ని పట్టాలెక్కించాలని చూస్తున్నాడట.
మొత్తానికి ఉస్తాద్ ఎఫెక్ట్తో పవన్ తన నెక్స్ట్ మూవీపై చాలా ఫోకస్ పెట్టాడనేది స్పష్టమవుతుంది. కథలో ఎలాంటి రాజీ లేకుండా ఉంటేనే సినిమాను ప్రారంభించాలని పవన్ నిర్ణయించుకున్నాడు. మరి పవన్ నెక్స్ట్ మూవీ ఎప్పుడు పట్టాలెక్కుతుందో చూడాలి.