చార్మింగ్ స్టార్ శర్వానంద్ ప్రస్తుతం వరుస చిత్రాలతో బాక్సాఫీస్ దగ్గర మంచి విజయాలను నమోదు చేసుకున్నాడు. సంక్రాంతి బరిలో ‘నారీ నారీ నడుమ మురారి’ చిత్రంతో ప్రేక్షకుల ముందుకు రాగా, రీసెంట్గా ‘బైకర్’ చిత్రంతో బాక్సాఫీస్ దగ్గర సందడి చేశాడు. ఈ రెండు సినిమాలు కూడా పాజిటివ్ రెస్పాన్స్ దక్కించుకున్నాయి.
అయితే, శర్వానంద్ నటించిన ఫ్యామిలీ ఎంటర్టైనర్ మూవీ ‘నారీ నారీ నడుమ మురారి’ ఇప్పటికే ఓటీటీలో స్ట్రీమింగ్ అవుతున్న సంగతి తెలిసిందే. ఇక ఇప్పుడు ఈ చిత్రం బుల్లితెర ప్రేక్షకులను అలరించేందుకు సిద్ధమైంది. రామ్ అబ్బరాజు డైరెక్ట్ చేసిన ఈ సినిమా ప్రముఖ టీవీ ఛానల్ ఈటీవీలో ఏప్రిల్ 26న సాయంత్రం 6 గంటలకు టెలికాస్ట్ కానుంది.
శర్వా మార్క్ కామెడీ టైమింగ్తో పాటు సంయుక్త, సాక్షి వైద్య గ్లామర్ డోస్తో ఈ సినిమా బుల్లితెర ప్రేక్షకులను కూడా ఆకట్టుకోవడం ఖాయమని చిత్ర యూనిట్ భావిస్తోంది. ఇక ఈ సినిమాను ఎకె ఎంటర్టైన్మెంట్స్ బ్యానర్ ప్రొడ్యూస్ చేయగా విశాల్ చంద్రశేఖర్ సంగీతం అందించాడు. మరి బుల్లితెరపై ఈ సినిమాకు ఎలాంటి రెస్పాన్స్ దక్కుతుందో చూడాలి.