’బాహుబలి’ తర్వాత పాన్-ఇండియా స్టార్గా ఎదిగిన ప్రభాస్.. ఇటీవల ‘రాజా సాబ్’ సినిమా తర్వాత తన ‘బాడీ డబుల్’ వాడకంపై ఎదురైన విమర్శలకు గట్టి సమాధానం చెప్పబోతున్నారు. ప్రస్తుతం సందీప్ రెడ్డి వంగా దర్శకత్వంలో తెరకెక్కుతున్న హై-వోల్టేజ్ యాక్షన్ డ్రామా ‘స్పిరిట్’ షూటింగ్లో ప్రభాస్ బిజీగా ఉన్నారు. ఈ సినిమా కోసం ఆయన ఎలాంటి బాడీ డబుల్ ఉపయోగించనని, ప్రతి సీన్ తానే స్వయంగా నటిస్తానని దర్శకుడికి మాట ఇచ్చారు.
చేతిలో వరుస సినిమాలు ఉన్నప్పటికీ ప్రభాస్ ప్రస్తుతం ‘స్పిరిట్’ చిత్రానికే ఫస్ట్ ప్రయారిటీ ఇస్తున్నారు. దర్శకుడి ప్లాన్ ప్రకారం భారీగా బల్క్ డేట్స్ కేటాయించారు. ప్రభాస్ చూపిస్తున్న ఈ అంకితభావం వల్లే ఎలాంటి రీషూట్లు, ఆలస్యం లేకుండా సినిమా షూటింగ్ శరవేగంగా సాగుతోంది. ఇటీవలే సెట్స్ నుండి లీకైన ప్రభాస్ లుక్ నెట్టింట విపరీతంగా వైరల్ అయింది. సందీప్ వంగాకు ఇచ్చిన మాటను నిలబెట్టుకుంటూ ప్రభాస్ శ్రమిస్తుండటంతో, వచ్చే ఏడాది ఈ చిత్రం పక్కా ప్లానింగ్ ప్రకారం థియేటర్లలోకి రానుంది.