స్వర్గీయ ప్రముఖ నటుడు ‘రియల్ స్టార్’ శ్రీహరి 62వ జయంతిని పురస్కరించుకుని ఆగస్టు 15న బాచుపల్లిలోని శ్రీహరి, అక్షర స్మారక మండపం వద్ద జయంతి వేడుకలను ఘనంగా నిర్వహించారు. ఈ కార్యక్రమంలో శాంతి శ్రీహరి, నటులు మేఘాంశ్ శ్రీహరి, శశాంక్ శ్రీహరి పాల్గొన్నారు.

​నటుడు మేఘాంశ్ శ్రీహరి మాట్లాడుతూ..
“ఈరోజు నాన్నగారి 62వ జయంతి సందర్భంగా నేను నటించిన ‘ఆస్మాన్’ చిత్ర ఫస్ట్ లుక్‌ను విడుదల చేస్తున్నాం. ఈ సినిమా కోసం చిత్రబృందం ఎంతో కష్టపడింది. నాన్నగారిని మీరందరూ ఏ విధంగా ఆదరించి ఆశీర్వదించారో, నన్ను కూడా అలాగే ఆశీర్వదిస్తారని కోరుకుంటున్నాను. అందరికీ స్వాతంత్ర్య దినోత్సవ శుభాకాంక్షలు.” అని అన్నారు.

​శాంతి శ్రీహరి మాటలుడుతూ..
“ఈరోజు శ్రీహరి గారి 62వ పుట్టినరోజు. ఆయన మన భౌతికంగా మధ్య లేకపోయినా, అభిమానుల గుండెల్లో ఎప్పటికీ చిరస్థాయిగా నిలిచి ఉంటారు. తెలుగు ప్రజలందరికీ స్వాతంత్ర్య దినోత్సవ శుభాకాంక్షలు.” అని అన్నారు.