నిర్మాత దిల్ రాజు, దర్శకుడు సుకుమార్ల కెరీర్ను మలుపు తిప్పిన ‘ఆర్య’ సినిమా ఇప్పుడు సరికొత్త రూపంలో రాబోతోంది. ఐకాన్ స్టార్ అల్లు అర్జున్ నటించిన ఈ ఐకానిక్ ‘ఆర్య’ క్యారెక్టర్ ఆధారంగా ప్రస్తుతం ఒక క్రేజీ యానిమేషన్ సినిమా రూపుదిద్దుకుంటోంది.
చేతినిండా భారీ సినిమాలు ఉన్నప్పటికీ, సుకుమార్ స్వయంగా ఈ క్యారెక్టర్ను డిజైన్ చేస్తుండగా, దిల్ రాజు ఈ పనులను పర్యవేక్షిస్తున్నారు. ఈ చిత్రం పూర్తి కథను కాకుండా, కేవలం ‘ఆర్య’ పాత్రలోని వైవిధ్యాన్ని ప్రధానంగా చూపిస్తూ సాగనుంది.
పనులు పూర్తయిన తర్వాత ఈ యానిమేషన్ చిత్రాన్ని అంతర్జాతీయ స్థాయిలో భారీగా విడుదల చేయడానికి ప్లాన్ చేస్తున్నారు. దీనికి సంబంధించిన మరిన్ని వివరాలు త్వరలోనే అధికారికంగా వెల్లడి కానున్నాయి.