టాలెంటెడ్ యాక్టర్ ఫాహద్ ఫాసిల్ నటించిన లేటెస్ట్ మూవీ ఆవేశం బాక్సాఫీస్ వద్ద భారీ వసూళ్లతో దూసుకు పోతుంది. జిత్తు మాధవన్ రచన మరియు దర్శకత్వం వహించిన ఈ చిత్రం 150 కోట్ల రూపాయలకి పైగా వసూళ్లు సాధించి, సెన్సేషన్ క్రియేట్ చేస్తోంది. ఈ చిత్రం ఇప్పుడు డిజిటల్ ప్రీమియర్ కి సిద్ధంగా ఉంది. ఈ చిత్రం యొక్క డిజిటల్ హక్కులని సొంతం చేసుకున్న అమెజాన్ ప్రైమ్ వీడియోలో మే 9, 2024న నుండి ప్రసారం కానుంది .

ప్రైమ్ వీడియో మలేషియా అధికారిక సోషల్ మీడియా హ్యాండిల్స్ ఆ తేదీన ఈ చిత్రం విడుదల కానుందని ధృవీకరించింది. ప్రీమియర్ తేదీ సాధారణంగా అన్ని ప్రాంతాలకు ఒకే విధంగా ఉన్నప్పటికీ, అమేజాన్ ప్రైమ్ వీడియో ఇండియా నుండి అధికారిక ప్రకటన కోసం వేచి ఉండటం మంచిది. మరి తెలుగు డబ్బింగ్ వెర్షన్ అందుబాటులోకి వస్తుందా లేదా అనేది తెలియాలంటే వేచి చూడాల్సిందే.

అన్వర్ రషీద్ ఎంటర్టైన్మెంట్స్ మరియు ఫాహద్ ఫాసిల్ అండ్ ఫ్రెండ్స్ బ్యానర్‌లపై నిర్మించిన ఈ చిత్రం లో హిప్‌స్టర్, రోషన్ షానవాస్, మిథున్ జై శంకర్, సజిన్ గోపు మరియు మన్సూర్ అలీ ఖాన్ కీలక పాత్రల్లో నటించారు. సుశిన్ శ్యామ్ ఈ చిత్రానికి సంగీతం అందించారు.