స్టార్ హీరో తల అజిత్ నటించనున్న 59 వ చిత్రం రీమేకే అని కన్ఫర్మ్ అయ్యింది. బాలీవుడ్ లో విమర్శకులు ప్రశంసలు పొందిన సూపర్ హిట్ మూవీ ‘పింక్’ కు రీమేక్ గా రానుంది ఈ చిత్రం. ప్రముఖ హిందీ నిర్మాత బోనీ కపూర్ , జీ స్టూడియోస్ తో కలిసి ఈ చిత్రాన్ని నిర్మించనున్నారు.
‘శతురంగ వెట్టై , తీరం అడిగారా ఒండ్రు’ చిత్రాల దర్శకుడు హెచ్ వినోత్ ఈచిత్రాన్ని తెరకెక్కించనున్నారు. ఈ చిత్రంలో అజిత్ , అమితాబ్ బచ్చన్ పాత్రలో నటించనున్నాడు. యువన్ శంకర్ రాజా ఈ చిత్రానికి సంగీతం అందించే అవకాశాలు ఉన్నాయని సమాచారం. ఇక ఈ చిత్రం తరువాత అజిత్ – హెచ్ వినోత్ కాంబినేషన్లో మరో చిత్రం కూడా తెరకెక్కనుందట.
ఇక అజిత్ ప్రస్తుతం శివ దర్శకత్వంలో ‘విశ్వాసం’ చిత్రంలో నటిస్తున్నాడు. ప్రస్తుతం ఈచిత్రం చివరి షెడ్యూల్ లో వుంది. వచ్చే ఏడాది జనవరిలో పొంగల్ కు ఈచిత్రం విడుదలకానుంది.