అల్లు శిరీష్ లాక్ డౌన్ లో తన అన్నయ్యల పిల్లలతో సరదాగా టైం పాస్ చేస్తున్నాడు. బన్నీ కుమారుడు అల్లు అయాన్ మరియు, కూతురు అర్హతో పాటు అల్లు బాబీ కుమారైతో కూడా ఆడుకుంటూ పాడుకుంటూ ఎంజాయ్ చేస్తున్నాడు. ఈ విషయాన్ని అల్లు అర్జున్ సతీమణి అల్లు స్నేహ రెడ్డి సోషల్ మీడియాలో పోస్ట్ చేస్తూ.. శిరీ బాబాయ్ తో ఫన్ అంటూ వాళ్ళందరూ ముద్దుగా డాన్స్ చేస్తూ ఉన్న వీడియోను పోస్ట్ చేశారు. ఈ వీడియో నెటిజన్లను బాగా ఆకట్టుకుంటుంది.
ఇక గతేడాది ‘ఏబిసిడి’ చిత్రంతో ప్రేక్షకుల్ని పలకరించాడు అల్లు శిరీష్. ఈ చిత్రం పర్వాలేదనే విజయాన్ని అందుకుంది. అయితే లాక్ డౌన్ తరువాత కొత్త చిత్రాన్ని స్టార్ట్ చేసే పనిలో ఉన్నాడు శిరీష్. అన్ని పనులు పూర్తై సినిమా ఈ పాటికే మొదలవ్వాల్సింది. కానీ కరోనా దెబ్బకు సినిమా వాయిదాపడింది. ఇక ఆ మధ్య గుడ్ ఎంటెర్టైనర్ ఆన్ ది వే అని శిరీష్ ట్విట్టర్ ద్వారా అభిమానులకు అప్ డేట్ ఇచ్చాడు.
ఈ సినిమా ఫుల్ ఎంటర్ టైనర్ అట. ఎంటర్ టైనర్ తోనైనా అల్లు శిరీష్ సూపర్ హిట్ కొడతాడేమో చూడాలి. మరి ఈ చిత్రానికి దర్శకుడు ఎవరు, నటించబోయే హీరోయిన్, ఇతర నటీనటుల వివరాలు లాక్ డౌన్ తర్వాతే తెలియనున్నాయి.
https://www.instagram.com/p/CAPoTbdg_27/