స్టైలిష్ స్టార్ అల్లు అర్జున్ హీరోగా రష్మికా మందన్నా హీరోయిన్ గా నటిస్తున్న భారీ బడ్జెట్ పాన్ ఇండియన్ చిత్రం “పుష్ప”. దర్శకుడు సుకుమార్ తో బన్నీ చేస్తున్న హ్యాట్రిక్ సినిమా కావడంతో దీనిపై భారీ అంచనాలు ఉన్నాయి. మరి అలాగే ఈ చిత్రం నుంచి రీసెంట్ గా వచ్చిన టీజర్ కు కూడా భారీ స్థాయి రెస్పాన్స్ కూడా వచ్చింది. ఇక ఇదిలా ఉండగా ఈ చిత్రంపై ఇప్పుడు అసలు ఊహించని రూమర్ బయటకొచ్చింది.
గతంలో సుకుమార్ బన్నీతో ఆర్య, ఆర్య 2 అనే రెండు సినిమాలు ఎలా తీశారో ఇప్పుడు పుష్ప కూడా రెండు పార్ట్స్ గా తీయనున్నారని టాక్ మొదలయ్యింది. అయితే పుష్ప మాత్రం ఒకటే కథ సింకప్ లో ఉంటుందట. మరి ఇందులో ఎంత వరకు నిజముందో కానీ ఈ ఊహించని రూమర్ పై మాత్రం బన్నీ అభిమానులు ఒక అధికారిక క్లారిటీ కోసం కోరుకుంటున్నారు. మరి ఇది జస్ట్ రూమరేనా లేక నిజంగా రెండు భాగాలు ఉందా అన్నది కాలమే నిర్ణయించాలి.