బాలీవుడ్ ఎనర్జిటిక్ స్టార్ రణ్‌వీర్ సింగ్ హీరోగా తెరకెక్కుతున్న ‘ధురంధర్ 2’ (Dhurandhar 2) సినిమాపై పాన్ ఇండియా లెవల్లో భారీ అంచనాలున్నాయి. ‘ఉరి’ (Uri) ఫేమ్ ఆదిత్య ధర్ డైరెక్ట్ చేస్తున్న ఈ యాక్షన్ ఎంటర్‌టైనర్‌లో బాలీవుడ్ సీనియర్ హీరో అనిల్ కపూర్ ఓ కీలక పాత్ర చేయాల్సింది. కానీ ఊహించని విధంగా ఆయన ఈ ప్రాజెక్ట్ నుంచి తప్పుకున్నారు. అసలు ఈ భారీ యాక్షన్ ఫిల్మ్‌కు ఆయన ఎందుకు నో చెప్పాల్సి వచ్చిందనే దానిపై ఇప్పుడు స్వయంగా క్లారిటీ ఇచ్చారు.

ఈ సినిమాలో ఓ పవర్‌ఫుల్ క్యామియో కోసం ఆదిత్య ధర్.. అనిల్ కపూర్‌ను సంప్రదించారు. కథ, తన క్యారెక్టర్ నచ్చినప్పటికీ ఆయన ఈ ఆఫర్‌ను సున్నితంగా రిజెక్ట్ చేశారు. దీనిపై తాజాగా ఓ ఇంటర్వ్యూలో స్పందించిన అనిల్ కపూర్.. తన మనసులోని మాట బయటపెట్టారు. “ఆదిత్య ధర్ లాంటి టాలెంటెడ్ డైరెక్టర్‌తో పనిచేయాలని ఎవరికి ఉండదు? ‘ధురంధర్ 2’ స్క్రిప్ట్ చాలా అద్భుతంగా వచ్చింది. అందులో నాకోసం రాసిన స్పెషల్ రోల్ కూడా బాగా నచ్చింది. కానీ అప్పటికే నేను ఇతర సినిమాలకు కమిట్ అయ్యాను. నా డైరీ మొత్తం ప్యాక్ అయిపోయింది. కొత్తగా డేట్స్ అడ్జస్ట్ చేసే పరిస్థితి లేకపోవడంతోనే తప్పనిసరి పరిస్థితుల్లో నో చెప్పాల్సి వచ్చింది” అని వివరించారు.

ఆ ఛాన్స్ మిస్సవ్వడం నా బ్యాడ్ లక్..

రణ్‌వీర్ సింగ్, ఆదిత్య ధర్ కాంబినేషన్‌లో వస్తున్న ఈ సినిమా కచ్చితంగా బాక్సాఫీస్ దగ్గర బ్లాక్‌బస్టర్ అవుతుందని అనిల్ కపూర్ ధీమా వ్యక్తం చేశారు. “ఇలాంటి క్రేజీ ప్రాజెక్ట్‌లో భాగం కాలేకపోవడం నిజంగా నా బ్యాడ్ లక్. నా వల్ల కాదన్నప్పుడు వాళ్లు వేరే ఆప్షన్ చూసుకోవాలి కదా. ఈ సినిమా కోసం పనిచేస్తున్న టీమ్ అందరికీ నా బెస్ట్ విషెస్” అంటూ ఆయన చెప్పుకొచ్చారు. ప్రస్తుతం ఆయన చేసిన ఈ కామెంట్స్ బాలీవుడ్ వర్గాల్లో, సోషల్ మీడియాలో వైరల్ అవుతున్నాయి.