1999లో వచ్చిన స్వయంవరం మూవీతో హీరోగా ఎంట్రీ ఇచ్చి ఫస్ట్ మూవీతోనే బెస్ట్ సక్సెస్ అందుకుని తన ఆకట్టుకునే అభినయంతో ఆడియన్స్ నుండి మంచి క్రేజ్ అందుకున్నారు వేణు తొట్టెంపూడి. అనంతరం వరుసగా అనేక సక్సెస్ఫుల్ సినిమాల్లో నటించిన వేణు ఇటీవల కెరీర్ పరంగా కొంత గ్యాప్ తరువాత చేసిన సినిమా రామారావు ఆన్ డ్యూటీ. ఈ మూవీలో సిఐ జమ్మి మురళి పాత్రలో మరొక్కమారు ఆడియన్స్ ని అలరించారు వేణు. ఇక తాజాగా తొలి వెబ్ సిరీస్ అతిధి లో నటించారు వేణు. ఈ సిరీస్ నేడు ప్రముఖ ఓటిటి మాధ్యమం డిస్నీ హాట్ స్టార్ ద్వారా ఆడియన్స్ ముందుకి వచ్చి మంచి క్రేజ్ సొంతం చేసుకుంది. ఈ సందర్భంగా మీడియాతో తన ఆనందాన్ని పంచుకున్నారు హీరో వేణు. అతిథికి మంచి రెస్పాన్స్ వస్తోంది. కొందరు క్లాసీగా ఉందని, మరికొందరు మాస్ ఎలిమెంట్స్ ఉన్నాయని అంటున్నారు. నన్ను అడిగితే ఇదొక కంప్లీట్ ఫ్యామిలీ ఎంటర్టైనర్ మూవీ లాంటిది.
ఇందులో కామెడీ, సస్పెన్స్, డ్రామా, సెంటిమెంట్ అన్నీ ఉన్నాయి. హారర్ ఎలిమెంట్స్ తక్కువ. అందుకే ఫ్యామిలీ ఆడియెన్స్ అంతా కలిసి హాయిగా చూడొచ్చు. ఎలాంటి ఇబ్బంది ఉండదు. లాక్ డౌన్ టైమ్ లో వెబ్ సిరీస్ లు చాలా చూశాను. ఆ టైమ్ లో నేను కూడా ఒక వెబ్ సిరీస్ చేస్తే బాగుంటుంది అనిపించింది. నేను అనుకున్నట్లే ఈ వెబ్ సిరీస్ ఎగ్జిక్యూటివ్ ప్రొడ్యూసర్ అతిథి గురించి చెప్పారు. ఆ తర్వాత స్క్రిప్ట్ నా దగ్గరకు పంపించారు. కథ నాకు బాగా నచ్చింది. భరత్ నా దగ్గరకు వచ్చినప్పుడు మీరు ఈ సబ్జెక్ట్ చేస్తే బాగుంటుంది అన్నాడు. నన్ను నమ్మి ఒక కొత్త డైరెక్టర్ వచ్చినప్పుడు ఎంకరేజ్ చేయాలని అనిపించింది. కథ కూడా బాగా ఇంప్రెస్ చేసింది. దాంతో ఈ వెబ్ సిరీస్ చేసేందుకు ఒప్పుకున్నా. నా కెరీర్ లో ఫస్ట్ టైమ్ హారర్ కంటెంట్ లో నటించాను. ఈ వెబ్ సిరీస్ లో నేను చేసిన రవివర్మ క్యారెక్టర్ పర్ఫార్మెన్స్ చేసేందుకు చాలా కష్టమైంది.
ఎందుకంటే ఈ కథలో అతనికి అన్నీ తెలుసు. కానీ ఏమీ తెలియనట్లు ఉండాలి. ఎక్కువ, తక్కువ కాకుండా బ్యాలెన్స్ గా ఉండాలి. మిగతా క్యారెక్టర్స్ కు ఇలాంటి పరిమితులు లేవు. నాకు మాత్రం డబ్బాలో పెట్టినట్లు బిగించారు. దర్శకుడు భరత్ ఈ కథ నా దగ్గరకు తీసుకొచ్చినప్పుడు మీరు సెటిల్డ్ పర్ ఫార్మెన్స్ చేయాలని చెప్పాడు. మా పెర్ఫార్మన్స్ కు మంచి పేరొస్తుందంటే ఆ క్రెడిట్ భరత్ కే ఇవ్వాలి. ఇక ఇందులో లిమిటెడ్ క్యారెక్టర్స్ తో ఒక డ్రామా ప్లే అవుతుంటుంది. ప్రవీణ్ సత్తారు ప్రొడ్యూసర్ కాబట్టి ఆయన ప్రతి విషయంలో జాగ్రత్తలు తీసుకునేవారు. మాతో డిస్కస్ చేసేవారు. సెట్ కు రాలేదు గానీ అన్నీ తెలుసుకునేవారు. అతిథి కోసం ఆయన మంచి ఎఫర్ట్ పెట్టారు. ఇందులో నటించడాన్ని పూర్తిగా ఎంజాయ్ చేశాను. సెకండ్ ఇన్నింగ్స్ లో స్పీడ్ గా సినిమాలు చేయాలనే కోరిక లేదు.
మంచి సబ్జెక్ట్ వస్తే చేయాలి. నటుడిగా నా బెస్ట్ ఇవ్వాలని అనుకుంటున్నా. ఎందుకంటే నటుడిగా నా బెస్ట్ పర్ఫార్మెన్స్ చేసే కథ ఇంకా దొరకలేదు. నాగార్జున గారి అన్నమయ్య, చిరంజీవి గారి కొన్ని సినిమాలు చూసినప్పుడు ఇలాంటి సబ్జెక్ట్ మనం తప్పకుండా చేయాలని అనిపిస్తుంటుంది. అతడు సినిమాలో సోనూ సూద్ క్యారెక్టర్ లో నేనే నటించాలి. అయితే వేరియస్ రీజన్స్ వల్ల ఆ ప్రాజెక్ట్ చేయలేకపోయాను. అలాగే దేశముదురు సినిమా కూడా చేయలేకపోయా. అయితే కొన్ని ప్రాజెక్ట్స్ నా కెరీర్ లో మిస్ అయినందుకు ఏమీ బాధపడటం లేదు. ఇదొక సముద్రం అలలు వస్తుంటాయి, కొన్నిసార్లు సునామీలు కూడా వస్తాయి. ప్రస్తుతం ఛాయ్ బిస్కెట్ వాళ్లకు ఓ ప్రాజెక్ట్ చేస్తున్నా. సూర్య అని కొత్త దర్శకుడు. చాలా మంచి ప్రాజెక్ట్ అవుతుంది.తప్పకుండా నా సెకండ్ ఇన్నింగ్స్ మరింతగా మీ అందరికీ మంచి ఎంటర్టైన్మెంట్ అందిస్తుందని ఆశిస్తున్నాను అన్నారు.