వివి వినాయక్ దర్శకత్వంలో బాలకృష్ణ హీరోగా సి.కళ్యాణ్ ఓ చిత్రాన్ని నిర్మించటానికి గత కొంత కాలంగా ప్రయత్నిస్తున్న విషయం తెలిసిందే. కాగా తాజాగా సినీవర్గాల సమాచారం ప్రకారం ఫిబ్రవరి నెలలో వినాయక్ – బాలయ్య సినిమా మొదలవ్వనుందని తెలుస్తోంది. వీరి కాంబినేషన్ లో గతంలో ‘చెన్నకేశవ రెడ్డి’ చిత్రం వచ్చింది. మళ్ళీ 16 ఏళ్ల తరవాత ఈ ఇద్దరూ కలిసి సినిమా చేస్తుండటం విశేషం.

ఇక ప్రస్తుతం బాలయ్య ఎన్టీఆర్ బయోపిక్ తో బిజీగా ఉన్నారు. జనవరి మొదటివారానికి ఆ చిత్రానికి సంబంధించిన చిత్రీకరణ మొత్తం బాలయ్య పూర్తి చేయనున్నారు. ఆ తరువాత వెంటనే బాలయ్య, వినాయక్ చిత్రానికి డేట్లు కేటాయించనున్నారు. అయితే ఇటు వినాయక్ చిత్రం చేస్తూనే.. అటు సమాంతరంగా బోయపాటి శ్రీనుతో కూడా బాలయ్య ఓ సినిమా చేయబోతున్నాడని సమాచారం అందుతుంది.

మొత్తానికి బాలయ్య ఫిఫ్టీ ప్లస్ లో కూడా యంగ్ హీరోలు కంటే స్పీడుగా సినిమాలు చెయ్యడం, నిజంగా బాలయ్యకి నటన పై ఉన్న అంకితభావమే కారణమని నందమూరి అభిమానులు సోషల్ మీడియాలో తెగ కామెంట్లు పెడుతున్నారు.