“అల వైకుంఠపురములో” భారీ ఘన విజయంతో స్టైలిష్ స్టార్ అల్లు అర్జున్ తన నెక్స్ట్ సినిమా “పుష్ప”ను పాన్ ఇండియన్ ప్రాజెక్ట్ గా అనౌన్స్ చేసేసిన సంగతి తెలిసిందే. త్రివిక్రమ్ తర్వాత తన హ్యాట్రిక్ దర్శకునిగా సుకుమార్ తో ప్లాన్ చేసిన ఈ భారీ చిత్రాన్ని ఒక ఎమోషనల్ అండ్ సాలిడ్ యాక్షన్ ఎంటర్టైనర్ గా మేకర్స్ తెరకెక్కిస్తున్నారు.
మరి ఈ సినిమాను పాన్ ఇండియన్ ప్రాజెక్ట్ గా అనౌన్స్ చేసిన కొన్నాళ్లకే బ్లాక్ బస్టర్ దర్శకుడు కొరటాల శివతో మరో పాన్ ఇండియా చిత్రాన్నిబన్నీ ప్రకటించేసిన సంగతి తెలిసిందే. దీనితో ఈ సినిమాపై కూడా మంచి అంచనాలు నెలకొన్నాయి. మరి ఈ చిత్రానికి గాను ఇప్పుడు ఒక బాలీవుడ్ హీరోయిన్ ను లాక్ చేసినట్టుగా టాక్ వినిపిస్తుంది.
ఆమె మరెవరో కాదు బాలీవుడ్ మెగాస్టార్ సల్మాన్ ఖాన్ దబాంగ్ 3 తో ఎంట్రీ ఇచ్చిన సాయి మంజ్రేకర్. ఈమెను కొరటాల టీం లాక్ చేసినట్టుగా తెలుస్తుంది. అలాగే ఈ అంశానికి సంబంధించి కూడా అధికారిక అప్డేట్ కూడా రానున్నట్టుగా సమాచారం. మరి ఏం కానుందో చూడాలి.