మెగాస్టార్ చిరంజీవి కథానాయకుడిగా బాబీ కొల్లి దర్శకత్వంలో రూపొందుతున్న ప్రతిష్టాత్మక చిత్రం ‘కాకా’ విడుదలపై నెలకొన్న సందిగ్ధతకు తెరపడింది. గత కొద్దిరోజులుగా ఈ చిత్రం వాయిదా పడుతోందని, దీని స్థానంలో చిరంజీవి మరో భారీ ప్రాజెక్ట్ ‘విశ్వంభర’ రానుందంటూ సోషల్ మీడియాలో రకరకాల ప్రచారాలు ఊపందుకున్నాయి. అయితే ఈ ఊహాగానాలన్నింటినీ కొట్టిపారేస్తూ చిత్ర నిర్మాణ సంస్థ కేవీఎన్ ప్రొడక్షన్స్ (KVN Productions) అధికారికంగా స్పష్టతనిచ్చింది.
ముందుగా ఖరారు చేసిన షెడ్యూల్ ప్రకారమే ‘కాకా’ చిత్రాన్ని 2027 జనవరి 13న ప్రపంచవ్యాప్తంగా గ్రాండ్గా థియేటర్లలోకి తీసుకువస్తున్నట్లు నిర్మాతలు స్పష్టం చేశారు. వచ్చే సంక్రాంతి బరిలో మెగాస్టార్ పక్కాగా దిగుతున్నారని తేల్చిచెప్పడంతో అభిమానుల్లో నెలకొన్న అనుమానాలు పూర్తిగా పటాపంచలయ్యాయి. కేవీఎన్ ప్రొడక్షన్స్ తెలుగు చిత్రసీమలో నిర్మిస్తున్న తొలి భారీ వెంచర్ కావడంతో ఈ ప్రాజెక్ట్పై పరిశ్రమలోనూ భారీ అంచనాలున్నాయి.
విడుదల తేదీపై క్లారిటీ ఇవ్వడమే కాకుండా, త్వరలోనే సినిమా నుంచి ఫస్ట్ సింగిల్ను విడుదల చేయబోతున్నట్లు మేకర్స్ ప్రకటించి ప్రమోషన్ల జోరును మరింత పెంచారు. దాంతో సంక్రాంతి పండగ రేసులో మెగాస్టార్ బాక్సాఫీస్ హంగామా ఖాయమైంది.
