గత ఏడాది వరుస హిట్స్ కొట్టిన కోలీవుడ్ టాలెంటెడ్ హీరోస్ లో డ్యూడ్ స్టార్ ప్రదీప్ రంగనాథన్ కూడా ఒకరు. ప్రదీప్ హీరోగా 2025 లో మొత్తం మూడు సినిమాలు రావాల్సి ఉంది. కానీ రాలేదు. మరి ఆ మూడో చిత్రమే ‘లవ్ ఇన్సూరెన్స్ కంపెనీ'(Love Insurance Kompany). దర్శకుడు విగ్నేష్ శివన్ తెరకెక్కించిన ఈ లేటెస్ట్ చిత్రం సైఫై జానర్లో కనిపించి మంచి బజ్ ని ఆడియెన్స్ లో సంతరించుకుంది. అలా గత డిసెంబర్ లోనే రిలీజ్ కి రావాల్సి ఉంది కానీ వాయిదా పడింది.

అయితే ఈ సినిమా కొత్త రిలీజ్ ఎప్పుడు అనేది లేటెస్ట్ బజ్ వినిపిస్తుంది. దీని ప్రకారం మేకర్స్ ఈ సినిమాని మార్చ్ నెలలో తీసుకురావాలని చూస్తున్నారట. మార్చ్ లో ఆల్రెడీ ప్యాకెడ్ గా భారీ సినిమాలు కూడా ఉన్నాయి. కానీ ఈ మూమెంట్ లోనే ఈ సినిమాని తెస్తున్నట్టు తెలుస్తుంది. మార్చ్ చివరికి అలా చిత్ర యూనిట్ రిలీజ్ చేయాలనే ప్లాన్ లో ఉన్నట్టు ప్రస్తుతం సినీ వర్గాల్లో టాక్. మరి దీనిపై అధికారిక క్లారిటీ ఇంకా బయటకి రావాల్సి ఉంది. ఇక ఈ సినిమాలో కృతి శెట్టి హీరోయిన్ గా నటించగా 7 స్క్రీన్స్ ఇంకా రౌడీ పిక్చర్స్ వారు నిర్మాణం వహించారు.