టాలెంటెడ్ డైరెక్టర్ అనిల్ రావిపూడి దర్సకత్వంలో కామెడీ కింగ్ వెంకటేష్, యంగ్ హీరో వరుణ్ తేజ్ కలిసి చేసిన చిత్రం ‘ఎఫ్ 2’. గతేడాది సంక్రాంతికి విడుదలైన చిత్రం ఘనవిజయాన్ని అందుకుంది. కాగా ఈ సూపర్ హిట్ సినిమాకు సీక్వెల్ ‘ఎఫ్ 3’ రూపొందిస్తామని అప్పుడే అనౌన్స్ చేశాడు అనిల్ రావిపూడి. ఇప్పటికే అనిల్ రావిపూడి ఈ సినిమా స్క్రిప్ట్ తయారుచేసే పనిలో ఉన్నాడు. మరో రెండు నెలల్లో స్క్రిప్ట్ పనులు కూడా పూర్తవుతాయట. ఈ చిత్రాన్ని నవంబర్ నెల నుండి మొదలుపెట్టాలనే ఆలోచనలో ఉన్నారట.
కాగా నిర్మాత దిల్ రాజు కూడా గ్రీన్ సిగ్నల్ ఇచ్చారట. ప్రస్తుతం వెంక్కీ ‘నారప్ప’ సినిమా చేస్తున్నాడు, వరుణ్ తేజ్ స్పోర్ట్స్ బ్యాక్ డ్రాప్లో ఒక చిత్రం చేస్తున్నారు. ఈ రెండు సినిమాలు అక్టోబర్ సమయానికి పూర్తవుతాయట. వీటి తర్వాత చేయడానికి వరుణ్, వెంకీలు ఇంకా వేరే కొత్త చిత్రాలకు సైన్ చేయలేదు. అందుకే అదే సమయానికి ‘ఎఫ్ 3’ని మొదలుపెట్టే ఆలోచనలో ఉన్నారు దిల్ రాజు, అనిల్ రావిపూడి.