ఇంటర్వ్యూ: డైరెక్టర్ పద్మావతి మల్లాది – ‘గాంధీ తాత చెట్టు’ అందరి హృదయాలను హత్తుకుంటుంది!

ఇంటర్వ్యూ: డైరెక్టర్ పద్మావతి మల్లాది – ‘గాంధీ తాత చెట్టు’ అందరి హృదయాలను హత్తుకుంటుంది!

Published on Jan 20, 2025 10:31 PM IST

ప్రముఖ దర్శకుడు సుకుమార్‌ బండ్రెడ్డి తనయురాలు సుకృతి వేణి బండ్రెడ్డి ప్రధాన పాత్రలో నటించిన చిత్రం ‘గాంధీ తాత చెట్టు’. పద్మావతి మల్లాది దర్శకురాలు. మైత్రీ మూవీ మేకర్స్‌, సుకుమార్‌ రైటింగ్స్‌, గోపీ టాకీస్‌ సంస్థలు సంయుక్తంగా నిర్మించిన ఈ చిత్రానికి శ్రీమతి తబితా సుకుమార్‌ సమర్పకురాలు. ఇప్పటికే ఈ చిత్రం పలు అంతర్జాతీయ ఫిల్మ్ ఫెస్టివల్‌లో ప్రదర్శింపబడి ఎన్నో అవార్డులు కైవసం చేసుకుంది. ఉత్తమ బాల నటిగా సుకృతి వేణి కూడా పురస్కారం పొందారు. కాగా ఈ చిత్రాన్ని జనవరి 24న ప్రపంచవ్యాప్తంగా థియేట్రికల్‌ రిలీజ్‌ చేస్తున్నారు. ఈ సందర్భంగా చిత్ర దర్శకురాలు పద్మావతి మల్లాది చిత్ర విశేషాలను మీడియాతో పంచుకున్నారు.

‘గాంధీ తాత చెట్టు’ చిత్ర కథ మీలో ఎలా చిగురించింది?
నా స్నేహితుడు ఒకరు చెట్టుకు, మనిషికి లవ్‌స్టోరీ రాస్తే బాగుంటుంది అనడంతో నాకు ఆ ఐడియా బాగా నచ్చింది. నాకు కూడా స్వతహాగా పచ్చదనం, చెట్లు అంటే చాలా ఇష్టం. ఈ లైన్‌కు నేను బాగా కనెక్ట్‌ అయ్యాను. మొక్కల గురించి తదుపరి తరం వాళ్లకు చెప్పాలనే సంకల్పంతో ఈ కథ రాసుకున్నాను. పూర్తి సందేశంతో పాటు కమర్షియాలిటి ఉన్న సినిమా. తప్పకుండా అందరి హృదయాలను హత్తుకుంటుంది. ఇది కేవలం అవార్డ్‌ సినిమా కాదు. అందరికి నచ్చే కమర్షయాలిటీస్‌, ఎమోషన్స్‌ ఉన్న సినిమా.

పీరియాడికల్‌ నేపథ్యం ఎందుకు సెలక్ట్‌ చేసుకున్నారు?
నేను కథ రాసుకున్నప్పుడే నేను పదవ తరగతి చదువుతున్న టైమ్‌లో కథ నడుస్తున్న నేపథ్యాన్ని ఎంచుకున్నాను. ఈ సినిమా చిత్రీకరణ చాలా నేచురల్‌గా జరిగింది. ఈ చిత్రీకరణ జరుగుతున్న రెండో రోజే తబితా సుకుమార్‌ సమర్పణలో చేద్దామని ఆమె డిసైడ్‌ చేసుకున్నారు.

సుకుమార్‌ కూతురు ఈ సినిమా కోసం ఒరిజినల్‌గా గుండు చేయించుకున్నారని తెలిసింది?
పొస్తటిక్‌ మేకప్‌ అనేది అంత ఈజీకాదు. దానికి తగిన బడ్జెట్‌ లేదు. అంతేకాదు కథలో అమ్మాయి పాత్ర కూడా చాలా ధైర్యవంతురాలైన పాత్ర. ఇలాంటివి అని పట్టించునే అమ్మాయి కాదు. అమ్మాయిలకు జుట్టు చాలా ఇంపార్టెంట్‌ కానీ సుకృతి నా కథకు తగ్టట్టుగా డేరింగ్‌ డిసిషన్‌ తీసుకుంది.

ఈ సినిమా కోసం సుకుమార్‌ గారి సలహాలు ఏమైనా?
‘ఇది సపరేట్‌ జానర్‌. నీవు ఎలా తీయాలో అలాగే తీయ్యి. నేను నిన్ను నమ్ముతున్నాను.’ అన్నారు సుకుమార్‌ సార్‌.

ఈ పినిమాకు సంగీతం ప్రాధానత్య ఎలా ఉంది?
పాటలతో పాటు, రీ-రికార్డింగ్‌కు చాలా ప్రాధాన్యత ఉంది. కళ్లు మూసుకున్న ఆ నేపథ్య సంగీతంతో కథ అర్థం అయ్యే విధంగా ఉంటుంది.

ఈ పినిమా ద్వారా ఏమీ చెప్పబోతున్నారు?
ఈ సినిమాతో అహింస గురించి చెప్పాను. మనుషుల మధ్య, నేచర్‌ మధ్య అహింస చాలా అవసరం.

మీ నెక్స్ట్ ప్రాజెక్ట్ గురించి?
కొన్ని కథలు ఉన్నాయి. ఈ సినిమా తరువాత ఎలాంటి సినిమా చేయాలనేది ఆలోచిస్తాను.

సంబంధిత సమాచారం

తాజా వార్తలు