విజయ్ దేవరకొండ ప్రస్తుతం మూడు సినిమాలకు సంబంధించిన కార్యక్రమంలో పాల్గొంటూ బిజీగా ఉన్నాడు. యంగ్ డైరెక్టర్ భరత్ కమ్మ దర్శకత్వంలో రష్మిక మందాన జంటగా తెరకెక్కిన “డియర్ కామ్రేడ్” మూవీ వచ్చేనెల 26 న విడుదల కానుంది. అలాగే తమిళ దర్శకుడు ఆనంద్ అన్నామలై దర్శకత్వంలో క్రీడా ప్రధానంగా సాగే మరో మూవీలో విజయ్ నటిస్తున్నారు.’హీరో’ అనే క్రేజీ టైటిల్ పరిశీలనలో ఉన్న ఈ మూవీలో విజయ్ ప్రొఫెషనల్ బైక్ రైడర్ గా కనిపిస్తారని వినికిడి. ఈ రెండు చిత్రాలతో పాటు డైరెక్టర్ క్రాంతి మాధవ్ దర్శకత్వంలో విజయ్ ఓ మూవీలో నటిస్తున్న సంగతి తెలిసిందే.
ఐతే ఈ మూవీలో విజయ్ పాత్ర గురించి ఓ ఆసక్తికర విషయంలో వైరల్ అవుతుంది. విజయ్ ఈ చిత్రంలో ఓ రచయితగా కనిపిస్తారట. అలాగే రచయితగా ఆయన రాసిన కథల పాత్రలలో మళ్ళీ ఆయన కనిపిస్తారట. వైవిధ్యంగా అనిపిస్తున్న ఈ కధనంతో విజయ్ మరో హిట్ తన ఖాతాలో వేసుకోవడం ఖాయం కనిపిస్తుంది. మరో విశేషం ఏమిటంటే ఈ మూవీలో ముగ్గురు హీరోయిన్స్ నటించనున్నారట. ఈ చిత్రం గురించిన పూర్తి వివరాలు తెలియాల్సివుంది.