ఇటీవల ‘పేట’ చిత్రం తో ప్రేక్షకులముందుకు వచ్చిన సూపర్ స్టార్ రజినీకాంత్ తన తరువాతి చిత్రాన్ని ఏఆర్ మురుగదాస్ తోచేయనున్నారు. ఈ చిత్రంలో తలైవా పవర్ ఫుల్ పోలీస్ ఆఫీసర్ పాత్రలో నటించనున్నారని వార్తలు వస్తున్నాయి. యాక్షన్ ఎంటర్ టైనర్ గా తెరకెక్కనున్న ఈ చిత్రానికి అనిరుద్ రవిచంద్రన్ సంగీతం అందించనున్నాడు.
ఇక ఈ చిత్రంలో రజినీ కి జోడిగా లేడీ సూపర్ స్టార్ నయనతార ను తీసుకుంటారని ప్రచారం జరుగుతుంది. ఇంతకుముందు నయన్ ,రజినీ సరసన ‘చంద్రముఖి , కథానాయకుడు’ చిత్రంలో నటించగా శివాజీ లో ఒక స్పెషల్ సాంగ్ లో మెరిసింది. ఇక ఇదిలా ఉంటే ప్రస్తుతం నయనతార చేతినిండా సినిమాలతో ఫుల్ బిజీగా వుంది. మరి మరోసారి రజినీ తో నటించడానికి ఆమె గ్రీన్ సిగ్నల్ ఇస్తుందో లేదో చూడాలి.