కొత్త సినిమాను లాంచ్ చేయనున్న కళ్యాణ్ రామ్ !
Published on Apr 23, 2018 1:45 pm IST


నందమూరి హీరో కళ్యాణ్ రామ్ వరుస సినిమాలతో బిజీ అయిపోతున్నారు. ఇటీవలే ‘ఎం.ఎల్.ఏ’ సినిమాతో ప్రేక్షకుల్ని పలకరించిన ఆయన త్వరలో ‘నా నువ్వే’తో రానున్నారు. తమన్నా కథానాయకిగా నటించిన ఈ సినిమా మే 25న విడుదలకానుంది. ఈ చిత్ర షూటింగ్ కూడ ముగియండంతో ఆయన ఈ నెల 25న ఇంకో కొత్త సినిమాను లాంచ్ చేయనున్నారు.

ఈ చిత్రాన్ని ప్రముఖ సినిమాటోగ్రఫర్ కె. వి.గుహన్ డైరెక్ట్ చేయనున్నారు. ఇందులో కళ్యాణ్ రామ్ కు జోడీగా నివేత థామస్, షాలిని పాండేలు నటించనున్నారు. ‘నా నువ్వే’ను నిర్మిస్తున్న ఈస్ట్ కోస్ట్ ప్రొడక్షన్స్ ఈ చిత్రాన్ని కూడ నిర్మించనుండగా మహేష్ కోనేరు నిర్మాతగా వ్యవహరించనున్నారు. ఇది కాకుండా దర్శకుడు పవన్ సాదినేని దర్శకత్వంలో కూడ ఒక సినిమాను చేయనున్నాడు కళ్యాణ్ రామ్.

 
Subscribe to our Youtube Channel
 
Like us on Facebook
 

వీక్షకులు మెచ్చిన వార్తలు