మాస్ మహా రాజా రవితేజ ప్రస్తుతం గ్యాప్ లేకుండా వరుస సినిమాలు చేస్తున్న సంగతి తెలిసిందే. ఈ క్రమంలో రవితేజ, నక్కిన త్రినాధరావు దర్శకత్వంలో కూడా ఓ కామెడీ అండ్ ఫ్యామిలీ ఎంటర్టైనర్ చేస్తున్నాడు. అయితే, ఈ సినిమాలో ఓ కీలక పాత్ర ఉందట. ఆ పాత్ర ఓ యంగ్ హీరోకి సెట్ అవుతుందని, అందుకే ఆ పాత్రలో యంగ్ హీరో రాజ్ తరుణ్ నటించబోతున్నాడని తెలుస్తోంది.
అయితే, ఈ వార్త పై ఎలాంటి అధికారిక ప్రకటన లేదు. ప్రస్తుతానికి అయితే రాజ్ తరుణ్ హిట్ కోసం ఎదురు చూస్తున్నాడు. మరి ఈ సినిమాలో రాజ్ తరుణ్ నటిస్తే కెరీర్ కి ప్లస్ అవుతుంది. కాగా ఈ సినిమాలో కామెడీ ఓ రేంజ్ లో ఉంటుందట. ముఖ్యంగా రవితేజ పాత్ర చాలా కొత్తగా ఉంటుందట. కిక్ సినిమాలోని రవితేజ మళ్ళీ ఈ సినిమాలో కనిపిస్తాడని తెలుస్తోంది.
ఇక ఎప్పుడో స్టార్ట్ కావాల్సిన ఈ సినిమా కొన్ని కారణాల వల్ల పోస్ట్ ఫోన్ అవుతూ ఎట్టకేలకు స్టార్ట్ అయింది. అన్నట్టు గోపీచంద్ మలినేని దర్శకత్వంలో చేసిన ‘క్రాక్’ సినిమాతో రవితేజకు పూర్వవైభవం వచ్చింది. రవితేజ ఖిలాడి సినిమా కూడా రిలీజ్ రెడీగా ఉంది.