నటి జ్యోతిక ఇటీవల నటించిన “రాత్ససి” చిత్రంపై అనేక విమర్శలు వెల్లువెత్తాయి. ప్రభుత్వ విధ్యావ్యవస్థ, ఉపాధ్యాయుల పనితీరుని ఉద్దేశిస్తూ విమర్శనాత్మకంగా తెరకెక్కిన ఈ చిత్రాన్ని అక్కడి ఉపాధ్యాయ సంఘాలు ప్రదర్శన కాకుండా ఆపివేశాయి. ఆ చిత్రానికి వ్యతిరేకంగా వారు పెద్ద ఉద్యమమే లేవదీశారు. ఎట్టకేలకు ఆ మూవీ ప్రదర్శన తమిళనాడులో ఆగిపోవడం జరిగింది. రాత్ససి చిత్ర ప్రదర్శనను అడ్డుకోవడంపై హీరో సూర్య తీవ్ర అసహనం వ్యక్తం చేయడం జరిగింది.

కాగా ఇక్కడ విమర్శలు పాలైన ఈ చిత్రం మలేసియా విద్యా శాఖా మంత్రి చేత ప్రశంసలు అందుకుంది. తల్లితండ్రులు, విద్యార్థులు ఖచ్చితంగా చూడవలసిన చిత్రంగా దీనిని వర్ణించారు ఆయన. ఉన్నత పదవిలో ఉన్న ఒక విదేశీ మంత్రి మనసు గెలుచుకోవడమంటే గొప్ప విషయమే అనాలి.