దర్శకధీరుడు రాజమౌళి తన సినిమాల భారీ బడ్జెట్ మరియు మేకింగ్కు పట్టే సమయాన్ని దృష్టిలో ఉంచుకుని, ‘బాహుబలి’ నుండి సరికొత్త బిజినెస్ మోడల్ను అనుసరిస్తున్నారు. ఆయన నిర్మాత నుండి నేరుగా రెమ్యునరేషన్ తీసుకోకుండా, సినిమా లాభాల్లో దాదాపు 50 శాతం వాటాను పంచుకుంటారు. ఈ పద్ధతి ద్వారానే ఆయన బాహుబలి మరియు RRR చిత్రాలకు భారీ స్థాయిలో ఆదాయాన్ని ఆర్జించారు.
ఇక మహేష్ బాబుతో చేయబోయే ‘వారణాసి’ ప్రాజెక్ట్ విషయంలో రాజమౌళి రెమ్యూనరేషన్ పై ఓ వార్త జోరుగా చక్కర్లు కొడుతోంది. అయితే ఆయన ఈ మూవీ ఓవర్సీస్ హక్కులను తన రెమ్యునరేషన్గా తీసుకున్నారనే వార్తల్లో నిజం లేదు. నిర్మాత కె.ఎల్. నారాయణ నిర్మిస్తున్న ఈ సినిమాకు కూడా ఆయన తన పాత ‘ప్రాఫిట్ షేరింగ్’ పద్ధతినే పాటిస్తున్నారు. సినిమా బిజినెస్ మరియు డీల్స్ మీద పూర్తి అవగాహన ఉండటంతో, ఆయన హక్కుల కంటే లాభాల్లో వాటా తీసుకోవడానికే మొగ్గు చూపుతున్నారు.
మరోవైపు మహేష్ బాబు ఈ సినిమా కోసం భారీ రెమ్యునరేషన్ అందుకోనున్నారు. ఈ చిత్రంలో ప్రియాంక చోప్రా మరియు పృథ్వీరాజ్ సుకుమారన్ వంటి స్టార్ నటులు కీలక పాత్రలు పోషిస్తున్నారు. అత్యంత ప్రతిష్టాత్మకంగా రూపొందుతున్న ఈ చిత్రం ఏప్రిల్ 7, 2027న ప్రపంచవ్యాప్తంగా విడుదల కానుంది.
