‘తండేల్’ కోసం నాగచైతన్య రెమ్యునరేషన్ ఎంతో తెలుసా?

‘తండేల్’ కోసం నాగచైతన్య రెమ్యునరేషన్ ఎంతో తెలుసా?

Published on Feb 4, 2025 4:00 PM IST

అక్కినేని నాగచైతన్య నటిస్తున్న ది మోస్ట్ అవైటెడ్ మూవీ ‘తండేల్’ మరో మూడు రోజుల్లో ప్రేక్షకుల ముందుకు రానుంది. ఈ సినిమాను దర్శకుడు చందూ మొండేటి డైరెక్ట్ చేయగా పూర్తి రొమాంటిక్ యాక్షన్ ఎంటర్‌టైనర్‌గా ఈ మూవీ ప్రేక్షకులను ఆకట్టుకునేందుకు రెడీ అయ్యింది. ఇప్పటికే ఈ సినిమా నుంచి రిలీజ్ అయిన పోస్టర్స్, టీజర్, ట్రైలర్, సాంగ్స్ ఈ సినిమాపై సాలిడ్ బజ్‌ని క్రియేట్ చేశాయి.

ఇక ఈ సినిమా బాక్సాఫీస్ దగ్గర సెన్సేషన్ క్రియేట్ చేయడం ఖాయమని చిత్ర యూనిట్ ధీమా వ్యక్తం చేస్తోంది. అయితే, ఈ సినిమాలో నాగచైతన్య పవర్‌ఫుల్ పాత్రలో నటించాడని.. తండేల్ రాజు పాత్ర ప్రేక్షకులకు చాలా ఏళ్లు గుర్తుండిపోవడం ఖాయమని మేకర్స్ కాన్ఫిడెంట్ వ్యక్తం చేస్తున్నారు. కాగా, ఈ సినిమాలో నటించినందుకు నాగచైతన్య ఎంతమేర రెమ్యునరేషన్ తీసుకున్నాడనే విషయంపై సోషల్ మీడియాలో చర్చ సాగుతోంది.

ఈ సినిమా కోసం నాగచైతన్య చాలా సమయం కేటాయించాడని.. దీనికి అనుగుణంగానే ఆయన రెగ్యులర్‌గా తీసుకునే రెమ్యునరేషన్ కంటే డబుల్ తీసుకుని ఉంటారని సినీ సర్కిల్స్‌లో వార్తలు చక్కర్లు కొట్టాయి. కానీ, ఇందులో నిజం లేదని తెలుస్తోంది. ఆయన తన రెగ్యులర్ రెమ్యునరేషన్ రూ.10 కోట్లు తండేల్ మూవీకి కూడా తీసుకున్నట్లుగా తెలుస్తోంది. ఈ చిత్రానికి మేకర్స్ తన మార్కెట్ కంటే ఎక్కువ ఖర్చుపెట్టారని.. అందుకే తన రెమ్యునరేషన్ విషయంలో ఎలాంటి పెంపు లేకుండా చైతూ రెగ్యులర్ పేమెంట్ తీసుకున్నాడని తెలుస్తోంది. ఇక ఈ సినిమాలో అందాల భామ సాయి పల్లవి హీరోయిన్‌గా నటిస్తోండగా దేవిశ్రీ ప్రసాద్ సంగీతం అందిస్తున్నాడు.

సంబంధిత సమాచారం

తాజా వార్తలు