గ్లోబల్ స్టార్ రామ్ చరణ్ హీరోగా బుచ్చిబాబు దర్శకత్వంలో రూపొందుతున్న చిత్రం ‘పెద్ది’. ఈ సినిమా పై పాన్ ఇండియా స్థాయిలో భారీ అంచనాలు ఉన్నాయి. ఈ చిత్రం జూన్ 4న గ్రాండ్గా విడుదల కానుంది. ప్రస్తుతం ఈ సినిమాను మేకర్స్ చాలా ఉధృతంగా ప్రమోట్ చేస్తున్నారు. ఐతే, తాజా సమాచారం ప్రకారం, నార్త్ అమెరికా ప్రీమియర్ షోల ప్రీ-సేల్స్ $500K మార్కును దాటాయి. మరి ప్రీ-సేల్స్ లోనే ఈ స్థాయిలో కలెక్షన్స్ వస్తుంటే.. మొత్తం ప్రీమియర్స్ ద్వారా ‘పెద్ది’ ఎంత వసూలు చేస్తుందో చూడాలి.
ఇక ఈ సినిమాలో జాన్వీ కపూర్ హీరోయిన్ గా నటిస్తోంది. ఈ పెద్దిలో శివ రాజ్కుమార్, జగపతి బాబు, దివ్యేందు శర్మ, బోమన్ ఇరానీ కీలక పాత్రల్లో నటిస్తున్నారు. అన్నట్టు ఈ స్పోర్ట్స్ డ్రామాకు ఏఆర్ రెహమాన్ సంగీతం అందిస్తున్నారు.ఈ సినిమా పై భారీ అంచనాలు ఉన్నాయి. పైగా సినిమా పై ఉన్న భారీ హైప్కు మరింత ఊపునివ్వడానికి మేకర్స్ సాంగ్స్ ను కూడా రిలీజ్ చేస్తూ ఉన్నారు. ఇప్పటికే ఐటమ్ సాంగ్ అదరగొడుతుంది.